“წავიდა ნაცემი, სახედალეწილი, შეურაცხყოფილი…” – ინგა გრიგოლია

ჟურნალისტი, ინგა გრიგოლია:

“დღეს ლექსოს ორმოცია. ნათელი დაუმკვიდროს უფალმა.

ორმოცი დღეა, წავიდა, ნაცემი, სახედალეწილი, შეურაცხყოფილი და სიკვდილის შემდეგ კიდევ ერთხელ მოკლული, სახელისუფლებო პროპაგანდის წყალობით.

დღეს ლექსოს ორმოცია. ამ წუთამდე კი ძალადობის არც ერთი ორგანიზატორი არაა პასუხისგებაში მიცემული. პრემიერად ისევ მოძალადე კაცი გვყავს. მოვა დრო და 5 ივლისის გამო, ყველა დაისჯება-წამახალისებელიც, დამგევმავიც და შემსრულებელიც!!! ეს ზუსტად ვიცი. ეს მასწავლა ჩემმა ცხოვრებამ, რომ სამართალი ურმით დადის, მაგრამ აუცილებლად დგება! მანამდე კი ბრძოლა მოგვიწევს, მაგრამ გავუძლებთ და ბოლომდე მივიყვანთ!”