ვაქცინებს პანდემიის დასრულება შეუძლია, – ამის შესახებ რომის პაპმა, ფრანცისკემ განაცხადა და ყველას მოუწოდა, კორონავირუსის საწინააღმდეგო ვაქცინა გაიკეთონ. ინფორმაციას სააგენტო Reuters ავრცელებს.
“ღვთის წყალობითა და მრავალი ადამიანის მუშაობის წყალობით, ჩვენ ახლა გვაქვს ვაქცინები, რომლებიც COVID-19-ისგან დაგვიცავს. ისინი პანდემიის დასრულების იმედს გვაძლევენ, მაგრამ მხოლოდ იმ შემთხვევაში, თუ ისინი ყველასთვის ხელმისაწვდომი იქნება და ერთად ვიმუშავებთ“, – განაცხადა რომის პაპმა მიმართვაში.
როგორც რომის პაპი აღნიშნავს, ვაქცინაცია არის მარტივი, თუმცა საფუძვლიანი გზა საერთო სიკეთისა და ერთმანეთზე ზრუნვისთვის.
შეგახსენებთ, თავად რომის პაპი ფრანცისკე კორონავირუსის საწინააღმდეგო ვაქცინით ამ წლის მარტში აიცრა.
კომენტარები