სისხლიანი გარჩევა ბიზნესწილების გამო – რა მოხდა წინანდლის ტყეში

სისხლიანი დაპირისპირება წინანდლის ტყეში და სამი გარდაცვლილი – უმძიმესი დანაშაულის ბრალდებით პოლიციამ ოლიმპიური ჩემპიონი ზურაბ ზვიადაური უკვე დააკავა.

სპორტსმენს 27 წლის ახალგაზრდის მკვლელობას ედავებიან. ტვ პირველის ინფორმაციით, ძმებ ზვიადაურებსა და რამდნეიმე პირს შორის დაპირისპირება ბიზნეს წილების განაწილებაზე დაიწყო.

ძიუდოისტი წინანდლის ტყეში ღვინის წარმოებას გეგმავდა, რის გამოც კონფლიქტი მოუვიდა პარტნიორებთან, რაც საბოლოოდ სამი ადამიანის მკვლელობით დასრულდა. 

გარდაცვლილებს შორის ერთ-ერთი ზურაბ ზვიადაურის ძმა, ზვიად ზვიადაურია.  დაჭრილია კიდევ ორი პირი.

პირველების ინფორმაციით, ძმებ ზვიადაურებს უთანმოება ჰქონდათ, ინცინდენტში მონაწილე ნიკა კენჭოშვილთან, რომლის მისამართითაც ცეცხლი თავდაპირველად ზვიადაურის მეგობარმა ვასილ ცოცხალაშვილმა გახსნა, რასაც საპასუხო რეაქცია და ორმხრივი სროლა მოჰყვა. კენჭოშვილმა სამი ადამიანი დაჭრა, მათგან კი ორი პირი ადგილზე გარდაიცვალა. 

ირკვევა, რომ ოლიმპიურმა ჩემპიონმა ძმის მკვლელობის შემდეგ, ნიკა კენჭოშვილს სასიკვდილო ჭრილობები მიაყენა.  კენჭოშვილი ადგილზე გარდაიცვალა. 

ამავე საქმეზე კიდევ დაკავებულია ერთი პირი. მას ცეცხლსასროლი იარაღის დაუდევრად შენახვას ედავებიან, რასაც ადამიანის სიცოცხლის მოსპობა მოჰყვა.

ნივთმტკიცების სახით ამოღებულია დანაშაულის ჩადენის ორი იარაღი-პისტოლეტი და ნახევრადავტომატური ცეცხლსასროლი იარაღი.

ორმხრივი სროლა სოფელ წინანდალში გუშინ საღამოს 19:00 საათისთვის მოხდა. სულ დაიჭრა ხუთი ადამიანი, მათგან სამის გადარჩენა ვერ მოხერხდა. როგორც ექიმი ამბობს, სამივე პირი კლინიკაში მიყვანის დროს უკვე გარდაცვლილი იყო. ერთ-ერთი ვერსიით, ისინი სამეიცინო დაწესებულებამდე ზურაბ ზვიადაურმა მიიყვანა.