“ლეიბორისტული” პარტია მუნიციპალურ ტრანსპორტზე დაწესებული რეგულაციის გაუქმებას ითხოვს. პარტიის ლიდერის, შალვა ნათელაშვილის თქმით, მათ საქალაქო სასამართლოს უკვე მიმართეს.
შალვა ნათელაშვილი:
“ლეიბორისტული პარტია მიმართავს სასამართლოს, რათა დაუყოვნებლივ შეჩერდეს და გაუქმდეს მუნიციპალურ ტრანსპორტზე აკრძალვის გადაწყვეტილება, ვითომ ვირუსის წინააღმდეგ საბრძოლველად მიღებული გადაწყვეტილება, სინამდვილეში, აგვისტოს სიცხეში ხალხი გამოსაკეტად, მათ გასაწყვეტად, შესაშინებლად, მიტინგზე არ გამოსასვლელად და პოლიტიკური მიზნების მისაღწევად”
თუ ვინმეს ჰგონია, რომ ხალხის გამოკეტვით, ტრანსპორტის პარალიზებით აიცილებს თავიდან საშემოდგომო საპროტესტო ტალღას, ძალიან ცდება. უფრო გამწარებული ხალხი გამოგივარდებათ აი, ამის გამო, რაც დაკავშირებულია ადამიანთა მოძრაობის, გადაადგილების აკრძალვასთან. როგორ უნდა მივიდნენ ასაცრელად ადამიანები, როგორ უნდა მივიდნენ თუნდაც დაავადებული კორონავირუსით სამკურნალოდ პროცედურების ჩასატარებლად, როგორ უნდა მივიდნენ სამსახურებში ადამიანები, რომლითაც ცხოვრობენ და პურს ჭამენ?“
კომენტარები