“მე მაქვს მაგარი შეცდომა დაშვებული, რომ ეს არ გავაკეთე ივანიშვილთან…” – სააკაშვილი

საქართველოს მესამე პრეზიდენტი, მიხეილ სააკაშვილი, “მთავართან” ამბობს:

ვერავინ დამიშლის ჩემი ქვეყნის მომავლისთვის ბრძოლას. ლამაზი თვალების გულისთვის არავინ გამომყვება – აქ საკუთარი თავის პერსპეტივაზეა საუბარი და რა არის ჩვენთვის უკეთესი. რუსეთი გეუბნება, იყოთ ჭაობში, გამწარდეთ და ოღონდ სააკაშვილი არ ჩამოიყვანოთ, რადგან სააკაშვილი გააუმჯობესებს მდგომარეობას. მეტი რა უნდა გითხრათ?

აქ, უკრაინაში იყო ასეთი ტიპაჟი, როგორიც ივანიშვილია, ზელენსკეიმ ჩაკეტა საშინაო პატიმრობაში და დააყადაღა მისი ქონება. მე მაქვს მაგარი შეცდომა დაშვებული, რომ ეს არ გავაკეთე ივანიშვილთან. არ არსებობს პრორუსის გამოსწორება – ივანიშვილის მთელი ფული იყო და არის რუსული. ეს იყო ჩემი ზედმეტი ანგარიშვალდებულება დემოკრატიის მიმართ. დემოკრატიას სჭირდება დაცვა. არ შეიძლება, როცა მოდის მტაცებელი და მზად არის ყელი გამოგღადროს, ჩათვალო რომ ეს არის საარჩევნო ბრძოლა. მშურს ზელენკინს, ის აკეთებს იმას, რაც მე თავის დროზე არ გავაკეთე.”