პარტია “გირჩი – მეტი თავისუფლებას” ლიდერი ზურა ჯაფარიძე აგვისტოს ომის 13-წლისთავს Facebook-ზე სტატუსით ეხმაურება და ხელისუფლებაში მყოფ პირებს “ურდოს ანასხლეტებს” უწოდებს. მან თქვა, რომ 2008 წლის ომთან მიმართებით არაფერი და არავინ უნდა დავივიწყოთ.
“13 წლის წინ, ამ დღეს, ურდო შემოჯლიგინდა ტანკებით და გადაგვთელა სადამდეც გაუსწორდა. ეგეთი უსუსურობის განცდა და სასოწარკვეთა მანამდე მხოლოდ 9 აპრილის შემდეგ მქონდა განცდილი.
ახლა იგივე ურდოს ანასხლეტები უკვე ჯვრებით და შავებში რუსთაველზე დაჯლიგინებენ და ჟურნალისტებს წიხლავენ, ქუჩებსა და მეტროში ცემენ ფერად ახალგაზრდებს, და, რაც მთავარია, ხელისუფლებიდან ებლატავებიან ჩვენს მეგობრებს თავისუფალ სამყაროში და საუკეთესო პუტინისტურ ტრადიციებში იქით ასწავლიან რა არის დემოკრატია“, — წერს ჯაფარიძე სოციალურ ქსელში.
კომენტარები