აცრილი მოქალაქეები აუზზე შესვლას ფასდაკლებით შეძლებენ და 5000 ლარამდე თანხის მოგების შანსიც ექნებათ

Gino Paradise ვაქცინაციის წამახალისებელ კამპანიას იწყებს და აცრილ მოქალაქეებს 20%-იან ფასდაკლებას და სხვადასხვა გათამაშებას სთავაზობს.

„წარმოადგინე აცრის ბარათი, მიიღე 20%-იანი ფასდაკლება და გახდი გრანდიოზული გათამაშების მონაწილე. გათამაშებები გაიმართება ყოველ კვირას, FB ლაივის მეშვეობით და გამარჯვებულები დასაჩუქრდებიან „ისი პარის“, „ავერსის“, „პსპ – ს“, „ჯპს- ის“ და სხვა ცნობილი კომპანიების სხვადასხვა კოსმეტიკური ბრენდების სასაჩუქრე ნაკრებებით. გარდა ამისა, თამაშდება ჯინოს აკვაპარკის, ველნესისა და სპის სასაჩუქრე ვაუჩერები.

ფინალური გათამაშებისთვის კი „ჯინოს“ დამფუძნებელმა შემდეგი საჩუქრები მოამზადა:

1. მაქსიმალური ფულადი პრიზი 5000 ლარამდე;
2. 2 დღიანი დასვენება ჯინო ველნეს რაბათში – 2 პერსონაზე;
3. 2 დღიანი დასვენება ჯინო ველნეს მცხეთაში – 2 პერსონაზე.

ჯინოს, როგორც ევროპული კომპანიის, უმთავრესი ამოცანაა ჯანდაცვის სისტემის თანადგომა, ვაქცინაციის პროცესის წახალისება, დაჩქარება და პანდემიის დასრულება. ჯინოში მკაცრად ვითვალისწინებთ მსოფლიო ჯანდაცვის ორგანიზაციის ყველა რეკომენდაციას და ვქმნით ჯანსაღ გარემოს ჩვენი სტუმრებისთვის.

მოვუწოდებთ სხვა კომპანიებსაც, რომ შემოგვიერთდნენ, გამოიჩინონ ინიციატივა ვაქცინაციის წასახალისებლად და ერთად ვებრძოლოს კოვიდ პანდემიას,“- ნათქვამია კომპანიის მიერ გავრცელებულ განცხადებაში.