სოციალურ ქსელში გავრცელებული ინფორმაცია, თითქოს ამერიკის შეერთებული შტატები საქართველოს საფრთხის შემცველ ქვეყანად თვლის, ტყუილია. საუბარია travel.state.gov – ზე covid-19 – თან დაკავშირებით უსაფრთხო და საფრთხის შემცველი ქვეყნების ჩამონათვალზე. ინფორმაციაში გარკვევითაა აღნიშნული, რატომ არ არის ამერიკის მოქალაქისთვის რეკომენდირებული საქართველოში მოგზაურობა. ამასთან, აღსანიშნავია, რომ სინამდვილეში ნაგულისხმებია აფხაზეთი და სამხრეთ ოსეთი.
“ფეისბუკის“ ერთ-ერთი მომხმარებელი გურამანა ცერცვაძე მოსახლეობას ინფორმაციის გადამოწმებისკენ მოუწოდებს და ვრცელ სტატუსს აქცეყნებს:
„უკვე ბევრი შემხვდა ასეთი პოსტი – ტყუილი მანიპულაცია. სრულად გაშლილ ფოტოზე ნათლად ჩანს რატომ არ არის ამერიკის მოქალაქისთვის რეკომენდირებული საქართველოში მოგზაურობა – კოვიდი, რაც მოცემული ეპიდსიტუაციიდან გამომდინარე ლოგიკურია. მეორე ფოტოზე ნაჩვენებია მხოლოდ აკრძალვა, ამონათებულია ერთ-ერთი კოდი – С და ნაჩვენებია ტექსტი სადაც წერია, რომ ქვეყნის გარკვეულ რეგიონებში საქართველოს მთავრობა შესაძლოა ვერ აკონტორლებდეს ძალადობის ფაქტებს და ა.შ. თუ კარგად დავაკვირდებით ნაგულისმხებია აფხაზეთი და სამაჩაბლო.
ჩემი თხოვნა იქნება, ამ ისედაც რთულ სიტუაციაში, კიდევ უფრო ნუ გავიმძაფრებთ წარმოდგენებს საკუთარი ქვეყნის შესახებ და სანამ რაღაცას გავზიარებთ გადავამოწმოთ“,-წერს ცერცვაძე.
კომენტარები