“რუსეთთან პირდაპირი მიმოსვლა თუ აღდგა, მივესალმები, ძალიან გაუხარდება ჩემს მოსახლეობას…” – ირაკლი ზარქუა

ქართული ოცნების დეპუტატი, ირაკლი ზარქუა მიესალმება რუსეთთან პირდაპირი ფრენების აღდგენას და “ფორმულასთან” ამბობს:

“მე მგონია, პირდაპირი რეისები თუ აღდგება, რომელსაც არ დაადგა საშველი, ძალიან გაუხარდება ჩემს მოსახლეობას, ჩემს ეკონომიკას და წინ წაგვწევს.  ვიღაც იტყვის, რუსეთიდან… რუსეთში ექსპორტი გადის, რა? სააკაშვილის დროსაც გადიოდა. არ ვიცი, ვინ აცხადებს, სერიოზული შედეგი მოყვება თუ არა, ისინი გადამგდებები არიან. თუ აღდგა პირდაპირი მიმოსვლა, მივესალმები, ზუსტად ვიცი, რომ ჩემი ეკონომიკა, ჩემი ტურიზმი წინ წაიწევს”

რუსეთის საგარეო საქმეთა მინისტრის ყოფილი მოადგილის, გრიგორი კარასინის განცხადებით, რუსეთი მზადაა საქართველოსთან ავიამიმოსვლის აღდგენის საკითხი განიხილოს.

“ჩვენ მზად ვართ ეს განვიხილოთ. ვფიქრობ, ეს ადრე თუ გვიან გადაწყდება”, – განაცხადა გუშინ კარასინმა.