“ან არაკომპეტენტური ხარ ან მატყუარა” – რა ოდენობის საგარეო ვალი დაუგროვდება წელს ქვეყანას? – რომან გოცირიძე

“ენმ”-ის წევრი, რომან გოცირიძე:

“მხოლოდ მომდინარე წლის 25 ივნისს პარლამენტმა მოახდინა ორი საგარეო სესხის რატიფიცირება 85 მილიონი ევროს და 28,7 მილიონი ევროს ოდენობით. ორივე კორონავირუსიდან გამომდინარე.

წლის ბოლომდე ნავარაუდევია 5 მილიარდ ლარზე მეტი საგარეო ვალის აღება და პრემიერ-მინისტრი ამბობს, რომ არც ერთი თეთრი აგვიღია ვალად მიმდინარე წელსო.

არც რაიმე სახის განმარტება, არც ბოდიში ამ შეცდომისა თუ შეგნებული სიცრუის გამო.

ან არაკომპეტენტური ხარ ან მატყუარა, ესაა დასკვნა.

პიარის ანბანია: შეგეშალა-მოიბოდიშე. ბოდიში კულტურის ნაწილია.”