ტელეჟურნალისტმა და პროდიუსერმა მაკა რაზმაძემ კორონავირუსი ისე გადაიტანა, რომ ვერ მიხვდა, თუმცა მოულოდნელად სუნთქვის უკმარისობა დაეწყო და ანალიზებმა აჩვენა, რომ მას ანტისხეულები ჰქონდა, რაც იმის მანიშნებელია, რომ საშიში ვირუსი მის ორგანიზმს უსიმპტომოდ ესტუმრა, „კოვიდმა ფილტვებზე მაშინ დამარტყა, როცა უკვე მოხდილი მქონდა“, აღნიშნავს რაზმაძე.
ჟურნალისტი ახლა თავს უკეთ გრძნობს, თუმცა როგორც ჟურნალ „სარკესთან“ ამბობს, სუნთქვის პრობლემები ჯერ კიდევ აქვს. ფოტო, რომელიც მან კლინიკიდან გამოაქვეყნა, სადაც ჟანგბადის აპარატი ჩანს, ჟურნალისტის თქმით, იმისთვის გახდა საჭირო, რომ ხალხისთვის ეჩვენებინა, უყურადღებობამ სადმე შეიძლება მიიყვანოს ადამიანი.
მაკა რაზმაძე:
„მაინც მინდა გავიკეთო პისიარ ტესტი, რადგან წარმოუდგენელი და დაუჯერებელია, რაც ჩემს თავს ხდება. ახლა ვგრძნობ სუნისა და გემოს დაკარგვას. რაღაც მომენტში ვგრძნობ, მაგრამ ხან ჩვეულებრივად ვარ. შეიძლება, ფსიქოლოგიური მომენტიც მაქვს – მეჩვენება, რომ ვერ ვგრძნობ სუნსა და გემოს…
შემესივნენ ანტივაქსერები, რამდენი გადაგიხადეს, რომ ჩვენ ძალით გაგვაკეთებინო აცრაო. ვითომ მეტი დარდი არ მაქვს. ნუ გაიკეთებს! მე გულწრფელი ვიყავი და ვურჩიე, ფრთხილად ყოფილიყვნენ. აიცრებიან თუ სახლიდან არ გამოვლენ, მათი გადასაწყვეტია…
კომენტარები