მეცნიერების მტკიცებით, AstraZeneca-ს ვაქცინის მეორე დოზა სისხლის შედედების იშვიათი შემთხვევების რისკს არ ზრდის. ახალი კვლევის შედეგები სამედიცინო ჟურნალ The Lancet-ში გამოქვეყნდა. ინფორმაციას სააგენტო Reuters ავრცელებს.
ახალმა კვლევამ აჩვენა, რომ თრომბოციტოპენიის სინდრომით თრომბოზის სავარაუდო მაჩვენებელი ვაქცინის მეორე დოზის შემდეგ მილიონ ვაქცინირებულზე 2.3-ს შეადგენდა, რაც არავაქცინირებულ ადამიანებში არსებული მაჩვენებლის მსგავსია.
შედარებისთვის, ვაქცინის პირველი დოზის შემდეგ ეს მაჩვენებელი 8.1-ს შეადგენდა.
ევროკავშირის მარეგულირებელი თრომბოციტოპენიის სინდრომით თრომბოზის შემთხვევებს 2021 წლის მარტიდან სწავლობს და AstraZeneca-სა და Johnson & Johnson-ის ვაქცინებთან შესაძლო კავშირი დაადგინა.
ამასთან, ევროპის წამლის სააგენტო აღნიშნავს, რომ ორივე ვაქცინის სარგებელი მათ მიერ წარმოქმნილ შესაძლო რისკებს აღემატება.
კომენტარები