„ნაციონალური მოძრაობის“ წევრი გიორგი ბარამიძე პრემიერ-მინისტრის გუშინდელ განცხადებას იმის შესახებ, რომ ქვეყანას საგარეო ვალი არ აუღია, სოციალურ ქსელში ეხმაურება.
„აი ეს ტიპი ამას რომ ამბობს, ხომ ცხადია, რომ პირველ რიგში იმ ადამიანებს აყენებს შეურაცხყოფას, ვისგანაც ხმების მიღების იმედი აქვს, რადგან ყველა ტყუილს დაუჯერებენ და ყველაფერს გადაყლაპავენ,“- წერს გიორგი ბარამიძე და აღნიშნავს, რომ პრემიერი ტყუის და სინამდვილეში საქართველოს მთავრობის ვალი ერთი წლის განმავლობაში 5.3 მილიარდით გაიზარდა.
„აბა მარტო წელს ამ მავნებლების მთავრობამ საქართველოს ვალი 5.3 მილიარდით გაზარდა.
ამათ ხელში, ამასობაში საქართველოში, ყველა ბავშვი, 8000 ლარიანი ვალით იბადება.
რა გონიათ ამათ, ხალხმა არაფერი იცის და ვერაფერს იგებს და რა უტიფარ ტყუილსაც იტყვიან ყველაფერს ჭამენ და მერე მივლენ და არჩევნებზე ისევ ამ ნაძირლებს მიცემენ ხმას?
ვინც ამას იზამს, ცხადია ასეთი მოპყრობის ღირსიც არის.
მაგრამ იმედი მაქვს ასეთი ძალიან მცირე რაოდენობა იქნება,“- წერს გიორგი ბარამიძე.
კომენტარები