საქართველოში შემოტანიდან ზუსტად 4 დღეში „ფაიზერის“ ვაქცინის ყველა ჯავშანი შეივსო. ვაქცინაციის პორტალზე მითითებული იყო, რომ „ფაიზერის“ დასაჯავშნი ვაქცინების რაოდენობა უკვე ნულია, თუმცა ცოტა ხნის წინ პორტალზე ამ პრეპარატის კიდევს 900-ზე მეტი დოზა გამოჩნდა. შესაბამისად, „ფაიზერით“ აცრაზე დარეგისტრირებას კიდევ ასობით მოქალაქე შეძლებს.
„ფაიზერით“ ვაქცინაციისთვის, სხვადასხვა მიზეზით, ჯერ კიდევ 2 დღის წინ 5 ათასამდე ჯავშანი გაუქმდა. როგორც ჯანდაცვის სამინისტროში განმარტეს, მათ შორის ჯავშანი არ დაუდასტურდათ პირებს ე.წ. ბუსტერ დოზაზე რეგისტრირების მცდელობისთვის. ასევე იყვნენ მოქალაქეები, რომლებსაც, გარკვეული მიზეზების გამო, ჯერჯერობით არ უწევდათ აცრის გაკეთება, თუმცა მათაც შეიყვანეს მონაცემები ბაზაში.
კომენტარები