თბილისის საქალაქო სასამართლომ თბილისის სახელმწიფო უნივერსიტეტის მხრიდან ლექტორის მხირდან დისკრიმინაციული მოპყრობა დაადგინა. ამის შესახებ ინფორმაციას “უფლებები საქართველოსთვის” ავრცელებს.
დავა უნივერსიტეტს ყოფილმა ლექტორმა, დავით ნიჟარაძემ მოიგო. მას უნივერსიტეტმა მორალური ზიანის ასანაზღაურებლად 4 350 ლარის გადახდა დააკისრა.
“თბილისის საქალაქო სასამართლომ თავისი გადაწყვეტილებით დაადასტურა, რომ თსუ, განსხვავებული მოსაზრებების გამოხატვის გამო, დავით ნიჟარაძეს დისკრიმინაციულად მოეპყრო. შესაბამისად, სასამართლომ უნივერსიტეტს ლექტორის სასარგებლოდ, მატერიალური და მორალური ზიანის ასანაზღაურებლად, 4350 ლარის გადახდა დააკისრა”, – წერია ორგანიზაციის განცხადებაში.
ორგანიზაცია აღნიშნავს, რომ დავით ნიჟარაძე თსუ-ს ეკონომიკისა და ბიზნესის ფაკულტეტზე ლექციებს წლების განმავლობაში კითხულობდა და ფაკულტეტზე არსებული მდგომარეობის შესახებ კრიტიკულ მოსაზრებებს ღიად გამოთქვამდა.
“საკუთარი შეხედეულებების ღიად დაფიქსირების გამო, ფაკულტეტის ადმინისტრაცია კრიტიკულად განწყობილ ლექტორს დისკრიმინაციულად მოეპყრო, რის გამოც მან ვერ შეძლო აკადემიური თანამდებობის დაკავება. მოგვიანებით კი, ფაკულტეტის დეკანმა მასთან, როგორც მოწვეულ ლექტორებთან, შრომითი ხელშეკრულების გაფორმებაც არ ისურვა”, – წერს “უფლებები საქართველო”.
ორგანიზაციის ინფორმაციით, მათი იურისტი თსუ-ს მხირდან დისკრიმინაციის ფაქტზე კიდევ ერთ ლექტორს იცავს, რომლის საქმეც სასამართლოში განიხილება.
კომენტარები