ჟურნალ „ტაბულას“ დამფუძნებელი თამარ ჩერგოლეიშვილი ევროპული საბჭოს პრეზიდენტის, შარლ მიშლის გუშინდელ გამოსვლას სოციალურ ქსელში ეხმაურება.
ჩერგოლეიშვილის თქმით, მიუხედავად იმისა, რომ ქართული ოპოზიციური სპექტრით აღფრთოვანებული თავადაც არაა, შარლ მიშლის პოზიცია მაინც მიუღებელი იყო.
„ისე დაეტაკეთ თარჯიმანს, თითქოს სხვა რაც თქვა შარლ მიშელმა, დიდი სიბრძნის, კეთილგონიერების და ზრუნვის ნაჟური იყო.
თუ ვინმეს აღარ ახსოვს, საერთოდ Europe Whole and Free – ალბათ პირველი შარლ მიშელია.
მე მესმის ყველასი, ვისაც ქართული ოპოზიციური სპექტრი არ მოსწონს.
არც მე მომწონს.
მართლა მარტო გიგა მომწონს და გიგას მხარდაჭერა გასაზრდელია.
მაგრამ საკუთარ პრინციპებს არ ღალატობ მაშინაც, როცა ოპოზიციური სპექტრი ინფანტილური და უპასუხისმგებლოა.
არ გამოხატავ კმაყოფილებას იქ, სადაც რამდენიმე დღით ადრე, სექსუალური იდენტობის გამო ადამიანები ჩაქოლეს, ჟურნალისტები სცემეს და ოპერატორი მოკლეს.“- წერს ჩერგოლეიშვილი და აღნიშნავს, რომ ასეთი გამოსვლის შემდეგ შარლ მიშლის ნევის,იერი მოსაზრება არარელევანტურია.
„საერთოდ არარელევანტურია ასეთი შეფასებების მერე, ეს ფიგურა რას იტყოდა გაწევრიანებაზე,“- წერს თამარ ჩერგოლეიშვილი.
ცნობისათვის, ევროპული საბჭოს პრეზიდენტმა შარლ მიშელმა ბათუმის საერთაშორისო კონფერენციის გახსნაზე სიტყვით გამოსვლისას, განაცხადა:
თქვენთვის დამოუკიდებლობის ერთი თაობა არსებობს და ამ ერთ თაობაში მანძილი თქვენს საზოგადოებებსა და ევროკავშირს შორის უპრეცედენტოდ შემცირდა. ევროკავშირი თქვენი ყველაზე ერთგული პარტნიორია უფრო მეტი დემოკრატიისთვის, მეტი სტაბილურობისთვის, მეტი კეთილდღეობისთვის და რაც მთავარია, თქვენი ქვეყნების მოსახლეობის სასარგებლოდ.“
ქართული მედიის ერთმა ნაწილმა, შარლ მიშელის განცხადების ტექსტი განსხვავებული ინტერპრეტაციით გაავრცელა. მოგვიანებით, თარჯიმნის შეცდომა გასწორდა და საზოგადოებას ევროპული საბჭოს პრეზიდენტის განცხადების რეალური ტექსტი მიეწოდა.
კომენტარები