მსოფლიო „კოვიდ-19“-ის უფრო საშიში ახალი შტამების გავრცელების ზღვარზეა – ტედროს გებრეიესუსი

ჯანდაცვის მსოფლიო ორგანიზაციის დირექტორი მოუწოდებს ჩინეთს, უფრო მჭიდროდ ითანამშრომლოს „კოვიდ-19“-ის წარმოშობის დადგენის მიზნით დაგეგმილი გამოძიების მეორე ფაზაში.

ჟენევაში გამართულ პრესკონფერენეციაზეტედროს გებრეიესუსმა მოუწოდა პეკინს, უფრო გამჭვირვალე იყოს და მეტ ინფორმაციასთან წვდომა უზრუნველყოს.

მისივე თქმით, ჩინეთმა გამოძების პირველ ეტაპზე ჯანდაცვის მსოფლიო ორგანიზაციის წარმომადგენლებს საჭირო ინფორმაცია არ მიაწოდა. მისივე განცხადებით, აუცილებელია, ჩინეთის მთავრობამ უფრო მკაფიო და ნათელი ინფორმაცია მიაწოდოს გამომძიებლებს უხანში მდებარე ლაბორატორიის შესახებ.

ტედროს გებრეიესუსმა ასევე განცხადა, რომ პანდემიის დასრულებამდე ჯერ კიდევ შორია და მსოფლიო „კოვიდ-19“-ის უფრო საშიში ახალი შტამების გავრცელების ზღვარზეა.

შეგახსენებთ, რომ ჯანდაცვის მსოფლიო ორგანიზაციის მიერ ჩატარებული გამოძიების პირველი ფაზა, რომლიც „კოვიდ-19“-ის წარმოშობის დადგენას ისახავდა მიზნად, თებერვალში დასრულდა. ექსპერტების დასკვნით, ვერსია, რომ რომ ვირუსი ლაბორატორიიდან გავრცელდა, ნაკლებად სარწმუნოა.

,,საზოგადოებრივი მაუწყებელი”