ასტროლოგი რამაზ გიგაური:
,,შეიძლება თუ არა ჰოროსკოპის შეცვლა?!
(ჰმ, ოღონდაცა რა!)
უკვე ბევრმა ფრენდმა მომწერა და არ მინდა ამდენი კითხვის იგნორირება. ამასთანავე, არც ამის თქმის დრო და წინაპირობა არ არის, ისეთი პროცესები მიდის. თუმცა ორიოდე სიტყვით მაინც ვიტყვი (მერე შეიძლება დიდი სტატიაც დავწერო ამის შესახებ).
აღმოჩნდა, რომ რამდენიმე ქართველი ასტროლოგი წერს, თურმე შესაძლებელია საქართველოს ჰოროსკოპის შეცვლა და მერე წავა ჩვენი ცხოვრება რიკინ-რიკინით.
არ მინდა სიღრმეში ჩასვლა, უბრალოდ ჩვენი ჯიგარი სერგიას ხმით ვიკითხავ: რანაირად?
არსებობს ბევრი ტიპის ჰოროსკოპი, მაგრამ ავიღოთ ორი ტიპის – ნათალური (დაბადების, ინდივიდუალური, პერსონალური) და მუნდანური (გეოგრაფიული, ამ კონკრეტულ შემთხვევაში, ქვეყნის).
დაიბადა ადამიანი. ხომ კი?! რა მონაცემები გვჭირდება მისი პირადი ჰოროსკოპის შესადგენად? დაბადების რიცხვი, თვე, წელი, საათი, წუთი, გრძედი და განედი.
ამ მონაცემებზე დაყრდნობით კეთდება ადამიანის ჰოროსკოპი.
შეიძლება თუ არა მისი ჰოროსკოპის შეცვლა?
არა შვილო, არა!
ხელახლა დაიბადოს? დედას და მამას უთხრას, „ე რა დღეზე გამაჩინეთ ხალხოოო, დაიწვას ჩემი გაჩენა. მოიდა ახლიდან დამბადეთ რააა, თქვენ გახარებას!“
ხოა სიგიჟე?! მამალი. მამალი სიგიჟეა!
დაივიწყეთ ეს სტალინი, გურჯიევი, ჰოროსკოპის შეცვლა და ბლა-ბლა-ბლა!
ლაშა ტალახაძეც ეწევა აკვრა-ატაცში 485 კილოს და შეუძლია ვინმეს კიდევ?
ოღონდაცა რააა!
იგივეა საქართველოს შემთხვევაშიც.
თუ ვინმე განიხილავს საქართველოს მუნდანურ ჰოროსკოპს, უნდა აიღოს 1991 წლის 9 აპრილი. 11:55 საათი. თბილისი. ბასტა!
როგორ უნდა შეცვალოს საქართველომ ჰოროსკოპი, ხელახლა გამოაცხადოს დამოუკიდებლობა?!
აბსურდია ეს და პოპულიზმი.
ამისთანა პოპულიზმებით და ეპატაჟებით სავსეა საქართველოს პოლიტიკა, ეკონომიკა, ხელოვნება, შოუ-ბიზნესი, რელიგია და არც ასტროლოგიაა გამონაკლისი.
მესმის, რომ ვიღაცისთვის რაღაც „ხმაურიანი“ განაცხადი აუცილებელია იმიჯისთვის, მაგრამ ვისაც მართლა აინტერესებს მუნდანური ასტროლოგია ვურჩევ ბრიტანელი ასტროლოგების ბეიჯენტ-კემპიონ-ჰარვის წიგნებს „მსოფლიო ასტროლოგიის“ შესახებ.
კაი აკადემიური ხალხია და აკადემიურად განიხილავენ ყველაფერს.
ვერავინ შეცვლის ჰოროსკოპს, მაგრამ მართვა შესაძლებელია.
ნატალური ჰოროსკოპი – ეს არის საგზაო ნიშნები, მძღოლი კი თვითონ ადამიანია.
მუნდანური ჰოროსკოპის შემთხვევაში კი მძღოლი – ხელისუფლებაა (პრეზიდენტი, პრემიერი, პარლამენტი ანდაც ვიღაც ჩრდილში მყოფი, იდუმალი ადამიანი).
დროში ისე გადაადგილდება ადამიანი თუ ქვეყანა, როგორი მძღოლიც არის ადამიანი (ან ხელისუფლება).
ასე რომ, რა პოტენციალიც გვიბოძა გამჩენმა მისი მართვა-გამოყენებაა საჭირო და არა წინ და უკან სირბილი, რომ ვიღაც რაღაც „მაგიას“ მოახდენს და ეგრევე ავშენდებით.
არ გამოვა ასე, არა!
ეგრე რომ ვფიქრობთ, ამიტომაც დავტოპავთ 30 წელი ბნელში.”
კომენტარები