სამგზავრო თვითმფრინავის Ан-26-ის ნამსხვრევები სანაპიროსთან იპოვეს. თვითმფრინავის ნამსხვრევების ნაწილი, რომელიც რუსეთში დღეს დილიდან რადარებიდან გაქრა, კამჩატკის ერთ-ერთი დასახლება პალანიდან რამდენიმე კილომეტრში, სანაპიროზე იპოვეს, ნაწილი კი წყალში. ინფორმაციას რუსული მედიასაშუალებები ავრცელებენ.
ნაპოვნი ნამსხვრევების ადგილმდებარეობიდან გამომდინარე, შესაძლოა Ан-26 კლდეს შეეჯახა.
ამ დროისთვის, გადაუდებელი დახმარების სამსახურები მსჯელობენ თუ როგორ მიაღწიონ თვითმფრინავის ვარდნის ადგილს, საჰაერო თუ სახმელეთო გზით.
წინასწარი მონაცემებით, კამჩატკაზე თვითმფრინავის ვარდნის შედეგად არავინ გადარჩა. ბორტზე 22 მგზავრი, მათ შორის ერთი ბავშვი და ეკიპაჟის 6 წევრი იმყოფებოდა.
თვითმფრინავის ვარდნის სავარაუდო მიზეზად ძლიერი ქარი სახელდება.
ასევე ვრცელდება პირველი ფოტო თვითმფრინავის ვარდნის ადგილიდან.
კომენტარები