გამომცემლობა “კალმოსანის” დამფუძნებელი, ხვიჩა ყალაბეგაშვილი, საქართველოს კულტურის, სპორტისა და ახალგაზრდობის სამინისტროს განცხადებას ავრცელებს და წერს:
“ბიჯოოო, ბიჯოოო, ორპირში უზით ვიღაც და თან ძმრიან წინდებს უცვლიან, 21 წუთში ერთხელ…
(დღეების წინ, წიგნის ფესტივალის ორგანიზატორს და ჩემს უამრავი წლის ნაცნობს, გვანცა ჯობავას, როცა ვუთხარი, წიგნის გამომცემელთა და გამავრცელებელთა ასოციაცია დამოუკიდებელია და არ არის ვალდებული ძონძითეამინისტრი სცენაზე დაგესვათ, თორე თავზე აგაცოცდებათ, სპონსორი ეგ არ არის, ბიუჯეტია-მეთქი, მიწყინეს; ალბათ, გულშიც ჩაიდეს ჩემიანებმა და იქნებ გამებუტნენ კიდეც, ამავე სცენზე იდგა ნატაც… ჰოდა, აგე, სცენაზე დასმული თეაძონძიმინისტრი: ჯერ ის არ იცის ,,საბა” რომ კერძო პრემიაა; მერე იმას ითხოვს, სტუდიებში სიარული და რას იტყვით – მე შემითანხმეთო; მერე ამ სიგიჟეს ისეთი გაბლარული სინტაქსით წერს, ფოლკნერის ბენჯი, ბერძენი ორატორია ამის დამწერთან შედარებით)”
საქართველოს კულტურის, სპორტისა და ახალგაზრდობის სამინისტროს განცხადება:
საქართველოს კულტურის, სპორტისა და ახალგაზრდობის სამინისტრო ეხმიანება ტელეკომპანია “ტვ პირველის” ერთ-ერთ გადაცემაში საქართველოს კულტურის, სპორტისა და ახალგაზრდობის სამინისტროს სსიპ მწერალთა სახლის ხელმძღვანელის ნატა ლომოურის განცხადებას იმასთან დაკავშირებით, რომ ლიტერატურული პრემია “საბა”-ს გაცემა “მიდისხუთი ადამიანის სუბიექტურ გემოვნებამდე”.სამინისტრო აცხადებს, რომ მოცემული შეფასება მისი ავტორის პირადი მოსაზრებაა და არ გამოხატავს საქართველოს კულტურის, სპორტისა და ახალგაზრდობის სამინისტროს პოზიციას.
მოქალაქეების კომენტარები:
,,მისი ავტორის პირადი მოსაზრებაა” 8 საათია ეს ტექსტი ასე წერია ამ გვერდზე”
“მე ვფიქრობ, სამინისტროს ასეთი გრძელი სახელი მათ განცხადებებს ცოტა იერში/ბლარში ეხმარება კიდე, თორე აი ეგეც რო გამოაცალო ანუ, ტექსტის 70% რა ვქნათ მერე?”
“ვაი ჩვენს ლიტერატურას!”
კომენტარები