„ეს თითქმის 99.9%-ით გადაწყვეტილია” – რას უნდა ველოდოთ თვითმმართველობის არჩევნებზე?

ბოლო დღეებია, მედიაში აქტიურად შუქდება ინფორმაცია “ოცნების” გეგმა “ბ”-ზე, რომელიც, არჩილ თალაკვაძის წარდგენას მოიაზრებს, თბილისის მერობის კანდიდატად.

შეგახსენებთ, სწორედ “ალიამ” გავრცელა ექსკლუზიურად ინფრმაცია, ჯერ კიდევ აპრილში, რომ არჩილ თალაკვაძე, რომელიც პარლამენტის თავმჯდომარეობიდან გადადგა, შესაძლოა, თბილისის მერობის კანდიდატად ვიხილოთ.

რას წერდა “ალია” აპრილში:

საბოლოო ჯამში, შესაძლოა მივიღოთ ის, რომ თბილისის მერობის კანდიდატად „ოცნებამ“ დააყენოს არჩილ თალაკვაძე (ეს ამბავი 99.99%-ით გადაწყვეტილია), ცალკე გასულმა კალაძემ – საკუთარი თავი, გიორგი გახარიამაც გიორგი გახარია, ხოლო გაერთიანებულმა ოპოზიციამ, ნიკა მელია. ამ პირობებში, დედაქალაქში 43% კი არა, თალაკვაძეს მეოთხე ადგილი სანატრელი გაუხდება, რადგან დედაქალაქის მთელი პარტ-აქტივი სწორედ მოქმედ მერს ექვემდებარება და ისინი თალაკვაძესთან გადასვლას ნამდვილად არ მოისურვებენ. აი, დედაქალაქს თუ კვლავ ოპოზიციაში წასული კალაძე მოიგებს, ხელისუფლება დაპირებულ 43%-ს ვერანაირად ვერ აიღებს და დაინიშნება ვადამდელი საპარლამენტო არჩევნები, სადაც უკვე კალაძე დამოუკიდებლად შეეცდება გასვლას და თუ გაიმარჯვებს, პრემიერადაც საკუთარ თავს დანიშნავს.

„კალაძე ყველაზე ადრე მიხვდა, რომ ვადამდელი არჩევნები და შესაბამისად, კოალიციური მთავრობა გარდაუვალია. ამიტომ, ის ცდილობს სიტუაციას მალე მოერგოს, დაიკავოს ის ნიშა, რომლის დაკავებაც ადრეც სურდა, მაგრამ გახარიამ დაასწრო. გახარიამ უფრო ადრე გათვალა და დათვალა, რა შეიძლებოდა მოჰყოლოდა ამ ყველაფერს და „ოცნების“ აქტივის დიდი ნაწილი სწორედ მის ბანაკში გადასასვლელად ემზადება. ეს ოფიციალურად, თორემ არაოფიციალურად, რამდენიმე მუნიციპალიტეტში გახარიას გუნდმა უკვე „ოცნების“ ლამის მთელი აქტივი გადაიბირა და ახლა ისინი მხოლოდ ხელის აქნევას ელოდებიან“, – გვეუბნება ჩვენი წყარო.