როგორ და რატომ ჩნდება კოვიდინფიცირებულ პაციენტებში საშიში თრომბოზი – ახალი კვლევა

მსოფლიო სტატისტიკით, 1 მილიონი კოვიდინფიცირებული პაციენტიდან 39-ს, შესაძლოა, სიცოცხლისთვის საშიში თრომბები განუვითარდეს.

აქამდე ჩატარებული კვლევებით დადგენილია, რომ COVID-19-ით ინფიცირებული პაციენტების გარდაცვალების მიზეზი საკმაოდ ხშირად სწორედ თრომბია.

მედიცინისა და სამედიცინო მეცნიერების უნივერსიტეტის (RCSI) მეცნირებმა დაადგინეს, როგორ და რატომ ჩნდება კოვიდინფიცირებულ პაციენტებში საშიში თრომბოზი. ამის შესახებ MedicalXpress წერს.

მეცნიერებმა კვლევა ჟურნალში Journal of Thrombosis and Haemostasis გამოაქვეყნეს.

იმისთვის, რომ გაიგონ, როგორი წარმოიქმნება COVID-19-ით ინფიცირებულ პაციენტებში თრომბები, მეცნიერებმა გააანალიზეს სისხლის ნიმუშები, რომლებიც კოვიდპაციენტებს დუბლინის ბომონტის საავადმყოფოს ინტენსიური თერაპიის განყოფილებაში აუღეს.

მეცნიერებმა აღმოაჩინეს, რომ COVID-19-ით ინფიცირებულ პაციენტებში დარღვეულია შედედების გამომწვევ მოლეკულასა (VWF) და მის ცილა-რეგულატორ ADAMTS13-ს შორის.

საკონტროლო ჯგუფებთან შედარებით, COVID-19-ით ინფიცირებული პაციენტების სისხლში VWF, მოლეკულების მაღალი დონე ფიქსირდებოდა, რაც შედედებას უწყობს ხელს და ADAMTS13 უფრო დაბალი დონე. ამასთან, მეცნიერებმა ცილებში სხვა ცვლილებებიც დააფიქსირეს, რამაც ADAMTS13-ის დაწევა გამოიწვია.

“ჩვენი კვლევა გვეხმარება, გავიგოთ მექანიზმები, რომლებიც COVID-19-ით ინფიცირებულ პაციენტებში სერიოზულ თრომბებს იწვევს. ამას მკურნალობის უფრო ეფექტური მეთოდების შექმნისთვის გადამწყვეტი მნიშვნელობა აქვს”,-აცხადებს კვლევის ერთ-ერტი ავტორი, ჯეიმი ო’სალივანი.

მისი თქმით, საჭიროა დამატებითი კვლევები, რათა დადგინდეს, მკურნალობის რომელი მეთოდია ამ შემთხვევაში საუკეთესო.