მკვლევრების საერთაშორისო ჯგუფი ახალი პანდემიის სერიოზულ საფრთხეებზე საუბრობს. ამის შესახებ ინფორმაციას სამედიცინო გამოცემა MedicalXpress ავრცელებს.
მეცნიერთა თქმით, შუა აღმოსავლეთის რესპირატორულ სინდრომს (MERS) პანდემიამდე მხოლოდ რამდენიმე მუტაცია აშორებს.
ეს არის ვირუსული რესპირატორული დაავადება, რომელიც პირველად იგი საუდის არაბეთში 2012 წელს გამოვლინდა.
გამოკვლევებმა აჩვენა, რომ ვირუსი მაღალი სიკვდილიანობით გამოირჩევა. MERS-CoV-ის დროს სიკვდილიანობა დაახლოებით 40 პროცენტს შეადგენს.
MERS-CoV ინფექციის კლინიკური გამოვლინებებია მაღალი სიცხე, ხველა, სუნთქვის გაძნელება. მეცნიერების თქმით, მთავარი გადამტანები აქლემები არიან, თუმცა, გამოვლინდა შემთხვევები, როცა აქლემები თავის მხრივ, ღამურებისგან დაინფიცირდნენ. აქლემების 80 პროცენტს, ინფექციის მიმართ ანტისხეულები აღმოაჩნდა.
ამ მომენტისათვის არ დაფიქსირებულა ვირუსის ადამიანიდან ადამიანზე გადადების შემთხვევა. მეცნიერები ვირუსის ნიმუშებს იკვლევენ იმის დასადგენად, როგორ მოხდა, რომ ვირუსის აქლემიდან ადამიანზე გადაცემის შემთხვევები ასე ცოტაა აფრიკაში. ისინი თვლიან, რომ თუ აქლემებით ვაჭრობის გზები შეიცვლება, ან ვირუსის ახალი მუტაცია გაჩნდება, რომლის შედეგადაც სხვა ცხოველიც იქნება მატარებელი, შესაძლო ვირუსი ადამიანზეც მასიურად გავრცელდეს და ამან ახალი პანდემია გამოიწვიოს.
კომენტარები