სტანდარტულად ითვლება, რომ პირველი ვაქცინაციის შემდეგ 4 კვირის თავზე შესაძლებელია „ასტრაზენეკას“ მეორე დოზის მიღება, – ამის შესახებ დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელმა, ხათუნა ზახაშვილმა „პირველი არხის“ ეთერში განაცხადა.
„ასევე ცნობილია, რომ რაც უფრო მეტი არის შუალედი პირველ და მეორე დოზას შორის (ოღონდ არა დაუსრულებლად დიდი) მით უფრო ეფექტურია მეორე დოზის შემთხვევაში სრულყოფილი იმუნური პასუხის ჩამოყალიბება და არის ასეთი რეკომენდაცია, რომ უმჯობესია ეს პერიოდი იყო 8-12 კვირა.
ანუ, 4 კვირის თავზე თქვენ შეგიძლიათ თავისუფლად ჩაიტაროთ ვაქცინაცია, (უკუჩვენება არ არსებობს) ან ასევე შეგიძლიათ უფრო გაახანგრძლივოთ ეს პერიოდი. ყველაფერი დამოკიდებულია იმ გარემოებებზე სადაც თქვენ იმყოფებით და რამდენად მაღალი არის ინფიცირების რისკი. თუ ეს რისკი არის დაბალი, შეგიძლიათ ეს პერიოდი გაახანგრძლივოთ, და თუ რისკი არის მაღალი სჯობს ადრეულ ეტაპზე, ანუ 4 კვირის თავზე ჩაიტაროთ ვაქცინაცია“, – განაცხადა ხათუნა ზახაშვილმა.
კომენტარები