ბიძინა კულუმბეგოვი 27 მაისს ჟურნალ “ლანცეტში” გამოქვეყნებულ ანალიზის შედეგებს ავრცელებს, რომლის ფარგლებშიც ჩინელმა მეცნიერებმა ახალი კორონავირუსის სხვადასხვა ვარიანტის მიმართ “სინოვაკის” ვაქცინის მანეიტრალიზებელი ძალა გაზომეს.
“27 მაისს ჟურნალ “ლანცეტში” გამოქვეყნდა მონაცემების ანალიზი, რომლის ფარგლებშიც ჩინელმა მეცნიერებმა ახალი კორონავირუსის სხვადასხვა ვარიანტის მიმართ COVID-19-ის “სინოვაკის” ვაქცინის მანეიტრალიზებელი ძალა გაზომეს.ორი დოზის მიღების შემდეგ, 76 ინდივიდის სისხლის შრატში აღირიცხა მანეიტრალიზებელი ანტისხეულები უჰანის ვარიანტის მიმართ. დაახლოებით იგივე მანეიტრალიზებელი ეფექტის მქონე ანტისხეულების ტიტრები აღინიშნა დიდი ბრიტანული ვარიანტების მიმართ. დასკვნა: უჰანის (ველური შტამი) და ბრიტანულის (ალფა) ვარიანტის მიმართ სინოვაკის ძალა იდენტურია. ანტისხეულების მანეიტრალიზებელი ძალა შემცირებული იყო ახალი კორონავირუსის ნიუ-იორკული, ბრაზილიური და სამხრეთ აფრიკული ვარიანტების მიმართ.
კომენტარები