პარტიის წევრებს მაინც გააგებინეთ, რომ “ერთი ბუდკა” აგიშენათ ოცნებამ – ამირან სალუქვაძე

სამხედრო ექსპერტი, ამირან სალუქვაძე, სოციალურ ქსელში, წერს:

“ბოლო დღეების პოლიტიკურ პოპულისტებს, ორიოდე სიტყვით

“ბუდკა” ნომერი 1. დღის თემაა ლელოს წარმომადგენლმა განაცხადა, ოცნების დროს “ბუდკა არ აშენებულაო”. ჰოდა ერთ ბუდკას შევახსენებ.

#1 “ბუდკა” სამტრედიაში აშენდა, ლელოს ლიდერის მიერ, რისთვისაც ბანკირმა სახელმწიფოსგან 1,3 მილიონი ევროს (დღევანდელი კურსით 4 მლნ ლარი) დაფინანსება მიიღო.

მსურველებს ლელოდან მივაწვდი 700-ზე მეტი ასეთი “ბუდკის” სიას.

სათბური ნამდვილად კარგია. დახმარებაც ამ მხრივ სახელმწიფო პროგრამამ სწორად გასწია. უბრალოდ ბანკირი სახელმწიფოს არ უნდა მიმართავდეს გრანტისთვის. პარტიის წევრებს მაინც გააგებინეთ, რომ “ერთი ბუდკა” აგიშენათ ოცნებამ.

ჰო, 2 წლის წინ ფრენებზე ემბარგოს შემდეგ, 10 ჩარტერული რეისის დაფინანსება რომ დაჰპირდით ხალხს, თუ ქვეყანას, დღემდე ელოდება ტურიზმი.

ლელო პარლამენტში როცა შევიდა, განაცხადეს ხალხის პრობლემებზე საზრუნავად შევდივართ, ბევრი პრობლემა დაგროვდაო. დღეს ეროვნული ბანკის პრეზიდენტის გამოსვლა თიბისი ბანკის საქმის განხილვაზე გადაიტანეს და ფაქტიურად ჩაშალეს. ვინმემ გაიგეთ რაიმე სასარგებლო, რაც უნდა მოგვესმინა? ხალხმა რა მიიღო? კომიტეტის სხდომა გამოიყენეს თავისი საქმის და ანკლიის ირგვლივ სახმაუროდ.

პარტია ახალმა საქარეთველომ (სანამდე უნდა იწოდებოდეს აღმაშენებლად?) ბრიფინგი მიუძღვნა ნამოხვანჰესის მოწინააღმდეგეებს. ჯერ პატივისცემა გამოხატა, ყოჩაღ თქვენს გამძლეიბასო. მერე თქვა, ჰესი უნდა აშენდესო. თუ პატივსაცემებია, ჰესი რატომ უნდა აშენდეს? თუ ჰესი უნდა აშენდეს, პატივისცემა რა შუაშია? ჩამოყალიბდით, გეყოფათ პოპულიზმი. სახელმწიფო საქმეებზე ილაპარაკეთ მეტი სერიოზულობით და ნუ პოპულისტობთ. დაფინანსებას და ხელფასებს იღებთ დეპუტატობაში.”