პარტია “ტრიბუნას” დამფუძნებელი დავით ჭიჭინაძე ეხმაურება “ოცნების” განცხადებას ეკონომიკის ზრდასთან დაკავშირებით, რომლის თანახმადაც, ეკონომიკა 2019 წელს 20-25 % -ით, 2020 წელს კი 44%-ით გაიზარდა.
“ქვეყნის დაცლა და ხალხის ქვეყნიდან გაყრა ყოფილა არნახული ეკონომიკური ზრდა და წარმატება, „ოცნების“ მთავრობას და მინისტრ თურნავას რომ ჰკითხო.
ყოველწლიურად ათიათასობით ადამიანი რჩება უმუშევარი, ან ქვეყანას ტოვებს, ესენი კი, ეკონომიკის 44%-იან ზრდას გვიფრიალებენ „გამარჯვებული“ სახეებით.
ასე გამოიყურება „ოცნების“ და რეალური ციფრები:
„ოცნების“ მთავრობის განცხადებით, 2019 წელს ეკონომიკა თურმე 20-25 % -ით გაიზარდა, 2020 წელს კი 44%-ით.
არადა, 2019 წელს 276 900 უმუშევარი იყო, ამათგან 100 000-ზე მეტი ქვეყნიდან გაიქცა და უმუშევრობა ამ ციფრებთან შედარებით 167 ათასით არის გაზრდილი.
ანუ, თუ ხალხი უმუშევარი რჩება, არც სამუშაო ადგილები იქმნება, მაშინ ეკონომიკა როგორ იზრდება?!
თუ ეს „ოცნებისეული“ ექსკლუზიური ფენომენია?!
ციფრები კიდევ უფრო დეტალურად:
2015 წლიდან საქართველოში სამუშაო ძალა, (აქტიური მოსახლეობა) იკლებს და დღეის მდგომარეობით 228 ათასითაა შემცირებული; ( დიდწილად წასული ადამიანების ხარჯზე)
შეცირდება დასაქმებულთა რაოდენობაც – 165 ათასით;
2020-2021 წლებში სამუშაო ძალა შემცირდა 76 ათასით, უმუშევრობა კი გაიზარდა 36 600-ით.
ხოდა, რა ბუღალტერი აქვს თურნავას ასეთი? ან თუ მართლა 44%-იანი ზრდა აქვთ, საქსტატის მონაცემებს ელოდებოდნენ და დაგვიმალეს?” – აცხადებს დავით ჭიჭინაძე.
კომენტარები