„კლოუნი“ ხარ… “თხა და გიგო” წაიკითხე და მერე მელაპარაკე“ – ირაკლი ზარქუამ კობა გვენეტაძის დაცვა სცადა – დაპირისპირება პარლამენტში

პარლამენტში, საბიუჯეტო კომიტეტის სხდომაზე „სტრატეგია აღმაშენებლის“ ლიდერი გიორგი ვაშაძე უმრავლესობის წევრს ირაკლი ზარქუას სიტყვიერად დაუპირისპირდა.

გიორგი ვაშაძემ ეროვნული ბანკის პრეზიდენტს, კობა გვენეტაძეს მწვავე კითხვებით პენსიების უზრუნველყოფის, ლარის გაუფასურებისა და ლარიზაციის პროგრამის თაობაზე მიმართა და ის არასწორ მართვაში დაადანაშაულა. ამის შემდეგ, გვენეტაძის ნაცვლად, ვაშაძისთვის პასუხების გაცემა „ქართული ოცნების დეპუტატმა ირაკლი ზარქუამ “იტვირთვა”.

ზარქუა:

-ხელშეკრულება წაიკითხე.

ვაშაძე:

-ხელშეკრულებას არცერთ პენსიონერს არ აძლევენ, საიდუმლოაო. ჩანაწერები მაქვს თქვენი ცხელი ხაზის. უნამუსოები ხართ უბრალოდ, ნორმალურად ბოლოს და ბოლოს კითხვას ვსვამ, მოისმინე კითხვა და დააცადე პასუხი. მართლა ბოლოს და ბოლოს გაჩუმდი! ვინ არის ეს იაფასიანი კლოუნი, ცხრა გაუნათლებელი რაღაცა თქვი ერთ გამოსვლაში, ხელშეკრულება კი არა ჯერ წიგნი წაიკითხე, „თხა და გიგო“ და მერე მელაპარაკე“

ზარქუა:

-კლოუნი“ ხარ, აბა რა ხარ – ხარ მასხარა, იაფფასიანი პოლიტიკოსი.

თავის მხრივ, ირაკლი ზარქუამ ვაშაძეს „ჭიჭე ვაშაძით“ მიმართა და უთხრა, რომ პოპულისტია და მცურავი გაცვლითი კურსის თაობაზე კი, არაფერი იცის, რის საპასუხოდაც გიორგი ვაშაძემ  სხდომის წამყვანს პროცედურის დაცვის უზრუნველყოფა სთხოვა და მიმართა, რომ მის მიერ დასმულ კითხვებზე ეროვნული ბანკის პრეზიდენტს უნდა ეპასუხა და არა „პატივცემულ კლოუნს.“