თბილისის მერის კახა კალაძის განცხადებით, თბილისის მასშტაბით რეგისტრირებული ბავშვთა გასართობი ცენტრები მერიისგან, დახმარების სახით, 5000 ლარს მიიღებენ.
შესაბამისი განცხადება კახა კალაძემ მუნიციპალიტეტის მთავრობის სხდომაზე გააკეთა.
როგორც მან აღნიშნა სუბსიდიას ის ობიექტები მიიღებენ, რომლებიც 2020 წლის 28 ნოემბრამდე არის რეგისტრირებული
„აღნიშნულ დახმარებას 70-მდე ობიექტი მიიღებს და ამ მიზნით ჯამში 350 000 ლარი დაიხარჯება“, – აღნიშნა თბილისის მერმა.
მერის განმარტებით, პროგრამაში მონაწილეობისთვის განცხადებების მიღება 2 ივნისიდან დაიწყება და 10 ივნისამდე გაგრძელდება.
კომენტარები