პარლამენტში „სტრატეგია აღმაშენებლის” ლიდერი გიორგი ვაშაძე და „მოქალაქეების” დეპუტატი, ვიცე-სპიკერი ლევან იოსელიანი ერთმანეთს ბიუროს სხდომაზე დაუპირისპირდნენ. კამათის ფონზე, მათ დარბაზი დატოვეს და დერეფანში გადაინაცვლეს.
დერეფანში კამათის დროს კი ვაშაძემ იოსელიანს „უზრდელი” უწოდა და ხმის დაწევისკენ მოუწოდა.
„წესიერად ილაპარაკე ხმას ნუ უწევ, ქუჩაში კი არ ხარ, პარლამენტში ხარ”, – მიმართა ვაშაძემ იოსელიანს.
შეკამათება დეპუტატებს მას შემდეგ მოუვიდათ, რაც ბიუროს სხდომა დატოვეს.
ბიუროს დღევანდელ სხდომაზე დეპუტატებს „სტრატეგია აღმაშენებლის” საკანონმდელო ინიციატივა წარედგინა, რომელიც პენსიებზე საპროცენტო განაკვეთის დაწევას ითვალისწინებს. მსგავსი ინიციატივა ჰქონდათ „მოქალაქეებსაც”.
ვაშაძე დაპირისპირების მიზეზს არ აკონკრეტებს, თუმცა აცხადებს, რომ აღნიშნული კანონპროექტი დაპირისპირების მიზეზი არ გამხდარა.
კომენტარები