სალხინოს მამათა მონასტრიდან განკვეთილი იღუმენი დანიელ გვილავა მიტროპოლიტის ბრძანებას ისევ არ ემორჩილება და ამბობს, რომ მონასტერში ბერულ ცხოვრებას ისევ გააგრძელებს.
„მე დარწმუნებული ვიყავი, რომ ის უპროგნოზო გადაწყვეტილებას მიიღებდა. გავიხსენებდი ილია მართლის სიტყვას.”ვინღა ძღებოდა, ვინღა შრომობდა, ღმერთო, სადაა აქ სამართალი”! ვიტყვი ერთს, მე არასდროს არ მქონია ამბიცია მღვდლობაზე და ვიცი, რომ მარტო მღვდლობა ადამიანს არ აცხონებს. ჯერ კაცი უნდა იყო და მერე უნდა გახდე მღვდელი.
სტეფანე გახდა ეპისკოპოსი, მაგრამ კაცი ვერ გახდა. ვიცხოვრებ მონასტერში, გავაგრძელებ ბერულ ცხოვრებას. მოვუვლი ჩვენს ნაშრომს, ნაოფლარს.”,-განაცხადა იღუმენმა
მიტროპოლიტმა სტეფანემ სალხინოს მონასტრის წინამძღვარი მამა დანიელ გვილავა ეკლესიიდან განკვეთა. შესაბამისი ბრძანება ჭყონდიდის ეპარქიის მიტროპოლიტმა მეუფე სტეფანე კალაიჯიშვილმა რამდენიმე დღის წინ გამოსცა. იგი მამა დანიელს ეკლესიის წინააღმდეგ ამბოხის მოწყობაში ადანაშაულებს.
დღესვე ქადაგებისას, მეუფე სტეფანემ 6 ადამიანს სინანულისკენ მოუწოდა.
კომენტარები