იმუნიზაციის მრჩეველთა ეროვნული ტექნიკური ჯგუფის ხელმძღვანელმა ივანე ჩხაიძემ სატელევიზიო ეთერში, ინდურ შტამსა და საზღვრების გახსნაზე ისაუბრა.
„რისკი იმისი, რომ ახალი შტამების გამოჩენის კვალდაკვალ შემთხვევის რაოდენობამ მოიმატოს ინდურ შტამთან დაკავშირებით უახლოეს კვირებში არაა, ამისათვის საჭიროა ამ შტამით ინფიცირებულთა დიდი რაოდენობის შემოსვლა ქვეყანაში, რაც პრაქტიკულად გამორიცხულია.
საზღვრების გახსნა და ტურისტული სეზონის დაწყება რა თქმა უნდა გამოიწვევს შემთხვევების მატებას, მაგრამ მთავარია რა დონით და რა ინტენსივობით იქნება ეს მატება. არც იმის მოლოდინი გვაქვს, რომ ტურისტები შემოიტანენ სხვადასხვა შტამს, ყველა ქვეყანა ელოდება ტურისტული სეზონის გახსნის კვალდაკვალ შემთხვევების მატებას.
ჩვენ ვფიქრობთ რომ ის რეგულაციები, რომელიც გვაქვს განსაკუთრებით საზღვრის კვეთის აუცილებელ მოთხოვნებიდან მნიშვნელოვნად ამცირებს ამ რისკებს“ – განაცხადა ივანე ჩხაიძემ.
კომენტარები