,,აი, ასეთი თაღლითების მიმართ, პროკურატურამ უნდა დაიწყოს სისხლის სამართლებრივი დევნა !!!!”

იურისტი მარი საბიაშვილი სოციალურ ქსელში წერს:

,,კიდევ ერთი ლაფსუსი კანონში, როგორც ბავშვთა უფლებებში..
სახელმწიფოს სურდა, “მევახშეებისაგან” დაეცვა მოქალაქეები და ცვლილება შევიდა სამოქალაქო კოდექსის 286-ე მუხლში, რის საფუძველზეც აიკრძალა ფიზიკურ პირზე ფულის გასესხების უზრუნველსაყოფად, უძრავი ქონების იპოთეკა.. თუმცა, კვლავ ხდება “მევახშეების” მხრიდან მათი საქმიანობის გაგრძელება მოჩვენებითი და თვალთმაქცური გარიგებების საფუძველზე, რასაც ნასყიდობა-გამოსყიდვა ჰქვია. აღნიშნული გარიგებით, ქონება პირდაპირ კრედიტორზე ფორმდება ნასყიდობით და რეესტრში აღირიცხება მის საკუთრებად. სესხი რეალურად ნახსენებიც არ არის და შემდეგ კრედიტორები იძახიან, რომ შეისყიდეს ქონება და სხვა ტიპის გარიგებას ადგილი არ ჰქონია..

კანონმდებლობით სუფთად მუშაობენ, ფარულად კი თაღლითობენ..

მტკიცების სტანდარტის საკითხია, თორემ…
..ისე, ნაცვლად იმისა, რომ საპროცენტო განაკვეთზე დაწესებულიყო შეზღუდვა და რეალურად უკეთესი ბერკეტები ჩადებულიყო, რაც მოქალაქეებს დაიცავდა, ერთის მხრივ-კერძო იპოთეკარებს სამოქალაქო სამართლებრივი უფლება ჩამოართვეს და მეორეს მხრივ- უარეს დღეში ჩააგდეს მოქალაქეები…
გამოსავალი არის ის, რომ უნდა დაბრუნდეს კერძო იპოთეკის ხელშეკრულებები და დაწესდეს საპროცენტო განაკვეთის მაქსიმალური ზღვარი.. ან, სასამართლომ მსგავსი ნასყიდობა-გამოსყიდვები, აუცილებლად უნდა ცნოს ბათილად(ნაკლებად აქვს ამის შესალებლობა)….და ყველაზე მთავარი- აი ასეთი თაღლითების მიმართ, პროკურატურამ უნდა დაიწყოს სისხლის სამართლებრივი დევნა !!!!
ჰო, არავინ იძახის, რომ სესხი არ უნდა დაბრუნდეს, თუმცა კეთილდინდისიერება არ უნდა დავკარგოთ ადამიანებმა..”