ქრონიკული დაავადებების მქონეებმა “ფაიზერით” აცრისთვის წერილობით მოგვმართონ – ეკატერინე ტიკარაძე

საქართველოს ჯანდაცვის მინისტრი ეკატერინე ტიკარაძე, “რუსთავი2”-ში ამბობს:

“რთული ქრონიკული დაავადებების მქონე პირებს შეუძლიათ “ფაიზერით” აცრის მოთხოვნით, ჯანდაცვის სამინისტროს წერილობით მიმართონ. კომისიური წესით მიმდინარეობს სამინისტროში ამასთან დაკავშირებით მსჯელობა, რის შედეგადაც მათ მიეცემათ საშუალება, “ფაიზერის” დიდი მოცულობის ჩამოსვლამდე მიიღონ მათთვის განკუთვნილი დოზები ამ ვაქცინის, რომელიც უზრუნველყოფს მათ უსაფრთხოებას ჯანმრთელობის კომპონენტში. ქვეყანაში “ფაიზერის” მილიონი დოზის შემოსვლის შემდეგაც განისაზღვრება მომხმარებელთა პრიორიტეტული ჯგუფები.

რა თქმა უნდა პრიორიტეტები იქნება, რომ იმ ესენციური ჯგუფებისთვის, რომლებისთვისაც მნიშვნელოვანია “ფაიზერით” ვაქცინაცია, ჯანდაცვის სამინისტრო შეუწყობს ხელს იმაში, რომ მათ მიიღონ მათთვის განკუთვნილი დოზები

ზაფხულში აუცილებლად გვექნება ჩვენ “ფაიზერი”, ივლისის თვეში. ვადგენთ ეხლა დღესდღეობით კონკრეტული ლოჯისტიკის კუთხით არსებულ სიზუსტეებს და როდესაც მეორე მხარეც მზად იქნება ამ განცხადების გასაკეთებლად, რა თქმა უნდა, მოსახლეობას ამის შესახებ ვაცნობებთ”