იუსტიციის უმაღლესი საბჭოს არამოსამართლე წევრის, ნაზი ჯანეზაშვილის განცხადებით, იუსტიციის უმაღლესი საბჭოს არამოსამართლე წევრი, ლევან გზირიშვილი ე.წ. კლანის მხარდაჭრისთვის სარგებლად თავისი შვილის მოსამართლის თანამდებობას იღებს.
“ლევან გზირიშვილმა მთელი 4 წელი გამოიყენა იმისთვის, რომ მხარი დაეჭირა კლანისთვის, თუნდაც იმ სიჩუმით, რომლითაც ის გამოირჩეოდა და შედეგად 4 წლის თავზე, როდესაც უკვე ივნისის თვეში ვადა გვეწურება არამოსამართლე წევრების ძალიან დიდ ნაწილს, ის ბენეფიტად, შედეგად და სარგებლად იღებს, სავარაუდოდ, უკვე თავისი შვილის მოსამართლის თანამდებობას, და მოგვიანებით ის, ალბათ, უკვე უვადოც გახდება.
გზირიშვილის შემთხვევა არის კლასიკური მაგალითი ნეპოტიზმის, რომელსაც მე ვფიქრობ, რომ თავისუფლად შეიძლება ეწოდოს ჩვენი კანონმდებლობიდან გამომდინარე, საერთაშორისო სტანდარტებიდან გამომდინარე კორუფციაც კი და ეს არის შემთხვევა იმისა, თუ როგორ სულ სხვა ადამიანი, რომელსაც არანაირი გავლენები კლანთან მიმართებაში არ ჰქონდა და არც რაიმე კავშირები, როგორ იღებს სრულიად უცხო ადამიანი სისტემიდან სარგებელს, როგორც კი ის მხარდაჭერას გამოაცხადებს ჩინჩალაძისა და მურუსიძის კლანის მიმართ”, — აცხადებს ჯანეზაშვილი.
კომენტარები