სახალხო დამცველის მძიმე ანგარიშის შემდეგაც კი, ქართული ოცნების გუნდი ირწმუნება, რომ დამნაშავე სამართალდამცველების იდენტიფიცირება ვერ მოხერხდა.
ომბუდსმენის ანგარიშის მიხედვით, მხოლოდ 2025 წელს 500 დაკავებულიდან 300 მიუთითებდა არასათანადო მოპყრობის შესახებ, 200-მდე პირს კი დაზიანებები აღენიშნებოდა. თუმცა არც ერთ ფაქტზე რეაგირება არ ყოფილა. უფრო მეტიც მაღალჩინოსნები, ვინც აქციის მონაწილეებს არბევდა და მათი ცემისა და წამების ბრძანებებს გასცემდა, სახელმწიფო ორდენებით დააჯილოდოვეს, ადამიანების დაჭერა კი უკვე ტროტუარებიდან დაიწყეს.
სახალხო დამცველის საგანგაშო ანგარიშის თანახმად, მხოლოდ 1 წლის განმავლობაში: 2024 წლის ნოემბრიდან 2025 წლის ოქტომბრის ჩათვლით, პროტესტის მონაწილეების წინააღმდეგ 8200 სამართალდარღვევის ფაქტი გამოვლინდა.
სახალხო დამცველი საუბრობს ასევე ციხეებზეც და ამბობს, რომ პატიმართა გარდაცვალების და სუიციდის შემთხვევები გაიზარდა ბოლო 5 წელში, რომ უმრავლესობა დაწესებულებებისა გადატვირთულია და ამის გამო, კონტროლის მექანიზმები შესუსტებულია, ხოლო ზოგან კი – არაფორმალური მმართველობაა. ანგარიშის მიხედვით, განსაკუთრებული რისკის დაწესებულებებში პატიმრები 23 საათს ატარებენ საკანში და მხოლოდ 1 საათით აქვთ სეირნობის უფლება, ისიც არასათანადო პირობებში.
კომენტარები