სამართლის დოქტორი, შავი ზღვის საერთაშორისო უნივერსიტეტის ასოცირებული პროფესორი, ზურაბ ჯიბღაშვილი:
“სულ 4 რამე გავიგე მმართველი პარტიის თავმჯდომარის ინტერვიუდან:
1. სწორია შაიო, რომელიც მისთვის უჩვეულო აგრესიულობით ამბობს, რომ არსებობენ უნივერსიტეტის პროფესორები, რომლებიც ერთმანეთისგან ვერ არჩევენ ხელისუფლების შტოებსა და განშტოებებს;
2. შემიძლია აკადემიურად ლანძღვა, ისე, რომ მე მეგონოს, რომ სუფთა ბიჭად ვრჩებიო;
3. კიდევ კარგი, რომ ნატალია საბანაძის ნათესავი არ ვარ, თორემ მომიწევდა იმის დამტკიცება, რომ ყველაზე კრიტიკულ სიტუაციებშიც კი შემიძლია თავზე ტოტალური კონტროლის შენარჩუნება;
4. და ბოლოს, მმართველი პარტიის თავმჯდომარემ (!) არ იცის, რას აპირებს პრემიერ-მინისტრი. “დახვეწილი” საპარლამენტო რესპუბლიკის სერიიდან, სადაც პარტიის თავმჯდომარე და პრემიერი სხვა და სხვა არიან.
გადავწყვიტე ამის დაწერა, იმიტომ, რომ ყველაფერს აქვს ლიმიტი. ამ ბინძურ ტყუილებთან შემგუებლობაც არ არის უსასრულო.”
შეგახსენებთ, გუშინ, ირაკლი კობახიძე გადაცემა “რეაქციის” სტუმარი იყო.
კომენტარები