დღეს, თბილისის საქალაქო სასამართლოში 4 ოქტომბრის აქციის ფარგლებში დაკავებული 8 პირის პროცესი გაიმართა.
სასამართლომ აღკვეთის ღონისძიების სახით პატიმრობა 7 მათგანს შეუფარდა, კერძოდ: ამირან დოლიშვილს, ირაკლი ჩხვირკვიას, გიორგი ქორქიასა, ზაქრო ალბუთაშვილს, ხვიჩა გოგოხიას, ავთანდილ სურმანიძეს და რამაზ მამულაძეს.
ბრალდებულ ია დარახველიძეს აღკვეთის ღონისძიების სახით 10 000 ლარიანი საპატიმრო გირაო შეუფარდა.
ათონელის სასახლესთან 4 ოქტომბერს განვითარებულ მოვლენებში მონაწილე პირების მიმართ გამოძიება სისხლის სამართლის კოდექსის 317-ე, 222-ე, 225-ე და 187-ე მუხლებით მიმდინარეობს. აღნიშნული გამოძიების ფარგლებში ჯამში 46 ადამიანია დაკავებული.
კომენტარები