“გვაპატიე მეც და მამასაც, ოღონდ შენ მოდი დე” – ბათუმში დაკარგული მოზარდის დედა მორიგ მიმართვას ავრცელებს

ბათუმში დაკარგული მოზარდის დედა, ნათია დიაკვნიშვილი სოციალურ ქსელში მორიგ მიმართვას ავრცელებს:

“დეე, ჩემო სუნთქვა, თუ იმის გამო გიჭირს მოსვლა, რომ კითხვები იქნება და ვინმე ვერ გაგიგებს, არ იდარდო.

არაფერი გაგიკეთებია ისეთი, რომ გიჭირდეს მოსვლა. შენ კი არა ჩვენ გვაპატიე თუ რამე ისე ვერ გავაკეთეთ, როგორც შენ გულს გაუხარდება.

გვაპატიე მეც და მამასაც, ოღონდ შენ მოდი დე.

შენი და შენი ძმების სიცოცხლეზე ძვირფასი და მნიშვნელოვანი არაფერია, დე” – წერს ნათია დიაკვნიშვილი.

ცნობისთვის, მოზარდი 16 იანვარს, საღამოს საათებში გაუჩინარდა.