უკრაინამ ევროპაში რუსული გაზის ტრანზიტი შეაჩერა. ინფორმაციას უკრაინული მედია ქვეყნის ბუნებრივი აირის სატრანზიტო სისტემის ოპერატორზე დაყრდნობით ავრცელებს.
უკრაინის ენერგეტიკის სამინისტროს განცხადებაში კი აღნიშნულია, რომ “ეროვნული უსაფრთხოების ინტერესებიდან გამომდინარე“ 07:00 საათზე შეწყდა რუსული ბუნებრივი აირის ტრანსპორტირება უკრაინის ტერიტორიაზე. უკრაინამ აღნიშნულთან დაკავშირებით საერთაშორისო პარტნიორებს აცნობა.
უკრაინის ენერგეტიკის მინისტრმა, გერმან გალუშენკომ უკრაინის მიერ რუსული გაზის ტრანზიტის შეჩერებას ისტორიული მოვლენა უწოდა.
რუსული გაზის ტრანზიტი შევაჩერეთ. ეს ისტორიული მოვლენაა. რუსეთი ბაზრებს კარგავს, ფინანსურ ზარალს განიცდის. ევროპამ უკვე მიიღო გადაწყვეტილება რუსულ გაზზე უარი თქვას“, – განაცხადა უკრაინის ენერგეტიკის მინისტრმა
კომენტარები