“3 ტყვია მესროლა, მკლავდა” – ვინ ესროლა მკოიანს? – დეპუტატის პირველი კომენტარი

რამდენიმე დღეა დეპუტატი ენზელ მკოიანის მისამართით ბრალდებები არ წყდება, დღეს “ქართული ოცნების” დეპუტატმა პირველი კომენტარი გააკეთა “ლიდერი 41”-ის ადმინისტრატორთან:

“ქართული ოცნების” დეპუტატი ენზელ მკოიანი “ნაცების” და “პატრიოტთა ალიანსის” მიერ წამოყენებულ ბრალდებებს სრულიად აბსურდულს უწოდებს, რომ თითქოს მას რაიმე კლანი ან რაიმე შეიარაღებული დაჯგუფება ყავდეს. ის ძალიან წუხს და ნერვიულობს, რომ ირმა ინაშვილმა ამ საქმეში ირაკლი კობახიძის სახელი გამოიყენა და ეცადა ჩრდილი მიაყენებინა როგორც მის, ასევე პარტია “ქართული ოცნების” რეპუტაციას:

ირაკლი კობახიძე ძალიან განათლებული, ზრდილობიანი და ინტელიგენტია, არ მესმის საერთოდ რატომ გააჟღერეს მისი სახელი, შესაძლოა იმის გამო, რომ არჩევნებია მოახლოებული

გარკვეული პირები ფეისბუქის Fake – გვერდებისა და ოპოზიციური სააგენტოების მეშვეობით ცდილობენ ჩემ დისკრედიტაციას, ასევე ავრცელებენ თითქოს ახალქალაქის მოსახლეობა ტერორში მყავს, რაც მტკნარი სიცრუეა. პირადად ჩამოვიდეს ირმა ინაშვილი და ხალხს დაელაპარაკოს და ნახავს, რომ ყველა კმაყოფილია და რასაც ამბობს ყველაფერი სიცრუეა “პატრიოტთა ალიანსის” წევრმა პეტროსიანმა 3 ტყვია მესროლა, კინაღამ მომკლა და ვიღაც-ვიღაცეები კიდევ მე მდებენ ბრალს, რომ თურმე მე ვყოფილვარ დამნაშავე

მკოიანმა ასევე დასძინა, რომ ოპოზიციის მიერ მართული ვინმე აბრამიანი ახდენს მის დისკრედიტაციას, რომ მას შექმნილი აქვს ათობით ყალბი ფეისბუქ გვერდი და დღე და ღამე ახდენს სიცრუის ტირაჟირებას, რომლის მტკიცებულებებიც მას არ გააჩნია”

შეგახსენებთ, გუშინ ირმა ინაშვილმა მოითხოვა ენზელ მკოიანის დასჯა და თქვა, რომ “ირაკლი კობახიძე ბანდიტებს მფარველობს”