სამოქალაქო აქტივისტი, სალომე სიმონია:
შარშან, 3 თვის ჩვილი შიმშილით გარდაიცვალა. ყველასგან მიტოვებულ ბავშვზე პასუხისმგებელი ზრუნვის სააგენტო იყო.
სააგენტოს ხელმძღვანელი შსს-ს მინისტრის მოადგილის, ალექსანდრე დარახველიძის მეუღლე გახლდათ.მათი მხრიდან უყურადღებობას წინა წელს კიდევ ორი ბავშვის სიცოცხლე შეეწირა, არასათანადო მოვლის გამო.ერთ წელს, 58 წლის დევნილი კაცი სიცივისგან გაიყინა. საცხოვრებლად გამოუსადეგარ შენობაში ცხოვრობდა.52 წლის დევნილი სახურავიდან გადმოხტა და თავი მოიკლა. წლების მანძილზე ბინას ითხოვდა.ზამირ კვეკვესკირმა დევნილთა სააგენტოს წინ ბენზინი გადაისხა და თავი დაიწვა. 44 წლის კაცი, თან იწვოდა და თან შვილებისთვის ბინას ითხოვდა.მხოლოდ 2024-ში კი, საჯარო უწყებებმა პრემია/დანამატებში ნახევარ მილიარდზე მეტი, რესტორნებში – 30 მლნ. დახარჯეს, აუდიტის სამსახურის ოფიციალური ინფორმაციით.ახლა ვიგებთ, რომ ქვეყნის პირველი პირი წლების განმავლობაში უკანონო შემოსავლებს იღებდა. მინისტრები და სხვა თანამდებობის პირები თურმე კორუფციაში ყოფილან ჩაფლული.დღევანდელი ქართული ოცნების წევრებმა ამის შესახებ იცოდნენ და დუმდნენ? თუ ზუსტად არ იცოდნენ, მაშინ ხმალამოღებულები რატომ იცავდნენ კორუმპირებულებს?!ასეთი მნიშვნელოვანი საკითხის არცოდნა მათ პასუხისმგებლობისგან არ ათავისუფლებს. როგორც თავად ამბობენ, თანამდებობა ინდულგენცია არ არის.
მათ პასუხის გაცემა მოუწევთ ამდენ დაკარგულ სიცოცხლეზე. უკიდურესი სიღარიბისგან გაწამებული ამდენი ადამიანის საჭმლის, წამლის და ბინის ლოდინში დაკარგულ წლებზე, რომლის პარალელურადაც ოცნების წევრები მხოლოდ მდიდრდებოდნენ.
კომენტარები