რადას დეპუტატებს მიხეილ სააკაშვილთან არ უშვებენ. უკვე 3 დღეა ალექსანდრ კოვალჩუკი და იულია კლიმენკო თბილისში იმყოფებიან და მესამე პრეზიდენტთან შეხვედრას ითხოვენ. მათ საქართველოს პარლამენტის თავმჯდომარესაც მიმართეს, თუმცა კახა კუჭავასგან პასუხი არ მიუღიათ.
“3 დღეა ველოდებით, რომ შეგვიშვან მიხეილ სააკაშვილთან საკანში. გვაქვს პირდაპირი კავშირი ელჩთან, დღეს წერილით მივმართეთ პარლამენტის თავმჯდომარე კახა კუჭავას და მოვითხოვეთ პასუხები, რატომ არ გვიშვებენ სააკაშვილთან, რა ახსნა აქვს ამ ქმედებას? რატომ არ შეგვიძლია უკრაინის მოქალაქესთან შეხვედრა? პასუხი არ არის არც პარლამენტიდან და არც საელჩოდან” ამბობს კოვალჩუკი “მთავარ არხთან” საუბარში.
რადას დეპუტატები გეგმავენ კიევში დაბრუნების შემდეგ, დეტალურად მიაწოდონ ინფორმაცია საკუთარ ხელისუფლებას. მათივე თქმით, უკრაინა საკუთარ მოქალაქეებს გასაჭირში არ ტოვებს და თვალს მიადევნებს მიხეილ სააკაშვილის უსაფრთხოებისა და ჯანმრთელობის მდგომარეობას.
კომენტარები