საკოორდინაციო საბჭოს გადაწყვეტილებით, ამა წლის 28 მარტს, მსოფლიოს 2022 წლის ჩემპიონატის შესარჩევ მატჩში საქართველო-ესპანეთის ეროვნულ გუნდთა დაპირისპირებას გულშემატკივარი დაესწრება. უფრო ზუსტად კი, ტრიბუნებზე შესვლას „დინამო არენას“ ტევადობის 30%, ანუ დაახლოებით 17 ათასი ადამიანი შეძლებს. მატჩი ჩვენი დროით 20.00 საათზე იწყება, ანუ მეორე ტაიმის დასაწყისში, კომენდანტის საათი დადგება.
„ბილეთების გაყიდვა, უეფას რეკომენდაციით, ონლაინ რეჟიმში მოხდება. შესაბამისად, ის ადამიანი, რომელსაც მატჩის ბილეთი ექნება, ავტომატურად იქნება სიაში და კომენდანტის საათი არ შეეხება. გულშემატკივრებმა სახლში დაბრუნება 23:59-მდე უნდა მოახერხონ“,-წერს ფეხბურთის ფედერაცია ოფიციალურ ფეისბუქ-გვერდზე.
ყველანაირი დამატებითი დროით, შეხვედრა 22.00 საათზე უნდა დასრულდეს. გამომდინარე აქედან, გულშემატკივრებს სახლში დასაბრუნებლად 2 საათი ექნებათ და დიდი ალბათობით, რეგიონებიდან მატჩზე დასასწრებად ვერავინ ჩავა.
კომენტარები