ადვოკატი, ნანა ფარჩუკაშვილი, რომელიც პროდიუსერმა, მაია სტეფნაძემ თაღლითობაში დაადააშაულა ბრალდებას ამბები.ჯი-სთან კომენტარით პასუხობს. როგორც ის განმარტავს, საუბარია სტეფნაძის დეიდის, ეკატერინე შუღლიაშვილის სახლზე, რომელიც მან მოქალაქე ლია კობახიძეს დაუტოვა. ამის მიზეზად ადვოკატი განმარტავს, რომ შუღლიაშვილი მარტოხელა იყო, ხოლო ლია კობახიძე მას ეხმარებოდა ყველაფერში, რის გამოც გადაწყვიტა ბინა მისთვის დაეტოვებინა.
“ეს არის ჩემი ყველაზე წარმატებული საქმე და აგიხსნით რატომ: ეს არის თბილისში, იოსებიძის ქუჩა 22-ში მდებარე უძრავი ქონება. ქალბატონი, რომელიც ამ მიმართვას წერს, სხვა რა დარჩენია – პროცესი წააგო. ის არის ნამდვილი თაღლითი, მე კი არა. ამ ქალბატონს ჰყავდა დეიდა – ეკატერინე შუღლიაშვილი, საკმაოდ განათლებული და წარმატებული პედიატრი, რომელიც გაუთხოვარი დარჩა. ქონება იტალიურ ეზოს წარმოადგენს. ამ ადამიანებს ეგონათ, რადგან ქალბატონს ქმარ-შვილი არ ჰყავდა, მისი გარდაცვალების შემდეგ ქონება აუცილებლად მათი გახდებოდა. ქალბატონ ეკატერინეს ახლო ურთიერთობა ჰქონდა ლია კობახიძესთან, რომელიც მაშინ საპასპორტოში მუშაობდა. ის მარტოხელა ქალს ეხმარებოდა, რომელსაც შუღლიაშვილები ძალიან ცუდად ექცეოდნენ (ლია იმავე უბანში, რამდენიმე კორპუსის იქით ცხოვრობდა). კობახიძეს რამდენჯერმე მოუწია მასთან მისვლა და როცა მის შესახებ მოუყვა, მას შემდეგ არა მარტო ლია, მისი თანამშრომლებიც ეხმარებოდნენ.
გავიდა რაღაც პერიოდი, ეს ქალი არსად ჩანს და მერე იგებენ, რომ ეკატერინე შუღლიაშვილს დაეჯახა ავტომანქანა და გარდაიცვალა. ეს არის 90-იანების პერიოდი და საქმე დარჩა გამოუძიებელი. ამ შუღლიაშვილებს ყველაფერი რომ თავისი ჰგონიათ, გადის რამდენიმე წელი და სამკვიდროს მისაღებად შეაქვთ განცხადება. ნოტარიუსმა თავად გამოითხოვა ინფორმაცია და უარი უთხრა იმ მოტივით, რომ როგორც აღმოჩნდა, ამ ქალბატონს ლიაზე დაუწერია ანდერძი, თან ისე, რომ ეს ამბავი კობახიძემ არც კი იცოდა. რადგან არსებობდა მემკვიდრე, ის სასამართლოს დავალებით მოძებნეს და ჩააბარეს სარჩელი. რადგან მემკვიდრეობაზე უარი მიიღეს და სხვა გამოსავალი არ ჰქონდათ, შუღლიასვილებმა მიმართეს თაღლითობას – ამბობდნენ, ჩვენ ბინა დეიდასგან გვაქვს ნაყიდი, „ასტუპნიკები“ ვართ, ამიტომ ვართ ამ მისამართზე ჩაწერილებიო. ეს იყო მართლაც თაღლითობა და სასამართლოზე კარგად რომ გაირკვა, რაში იყო საქმე, მათ უკან გაიხმეს სარჩელი. ჩვენ დავამტკიცეთ, რომ ანდერძით ლია კობახიძე იყო ნამდვილი მემკვიდრე.
როცა სარჩელი ჩააბარეს, იმ დღიდან ვხდები ქალბატონი ლიას ადვოკატი, თუმცა მისი ადვოკატი მანამდე სხვა საკითხებშიც ვიყავი. ლია მოდის და მეუბნება, კონვერტი მომიტანეს, არც კი ვიცოდი, რომ იმ საცოდავ ქალს ანდერძი ჩემზე დაუწერიაო. მათ სარჩელი ყველა ფაქტობრივი გარემოების გაყალბებით ჰქონდათ შემოტანილი, მაგრამ ჩვენ კვალიფიციურად შევედავეთ და დავუმტკიცეთ, რომ ისინი რეალურად არ ყოფილან „ასტუპნიკები“, რომ გარემოებას იყენებდნენ და როგორც კი დავაყენე საკითხი იმის შესახებ, რომ ამ დოკუმენტაციას 317-ე მუხლის შესაბამისად გადავაგზავნიდი საგამოძიებო ორგანოებისთვის, რათა ფიზიკურად მომხდარიყო ამ გარემოებების გამოძიება, მათ სარჩელი უკან გაიხმეს, შეეშინდათ რეალური გარემოების გამოძიების, სადაც დადგინდებოდა, რომ ისინი თავად თაღლითობდნენ. აღნიშნულის შემდეგ, კანონიერი სასამართლოს გადაწყვეტილების საფუძველზე ლია კობახიძემ სამკვიდრო მიიღო და დაირეგისტრირა ქონება, შემდეგ კი მისი გაყიდვა გადაწყვიტა“.
ცნობისთვის, პროდიუსერი მაია სტეფნაძე წერს, რომ მისი ოჯახი, ასევე მეზობლები თაღლითური დანაშაულის მსხვერპლნი გახდნენ. როგორც ის სოციალურ ქსელში წერს, საქმე ეხება მათ საკუთრებაში არსებული უძრავი ქონების სხვა პირზე, უკანონო გადაფორმებას. ამ ყველაფერში სტეფნაძე ცნობილ ადვოკატს ადანაშაულებს.
“ჩემი ოჯახი და შვილები, ისევე როგორც კიდევ 3 მეზობელი, თბილისის ცენტრში, თაღლითების ჯგუფის მსხვერპლნი გავხდით! თუ ვინმეს საქმიანი, თუნდაც ირიბი შეხება გქონიათ ადვოკატ ნანა ფარჩუკაშვილთან, ეს პოსტი წაიკითხეთ და შემდეგ თქვენი საკუთრება შეამოწმეთ, ჩვენს დღეში არ იყოთ! კერძო სახლები, რომლებიც 1900-იანი წლებიდან ჩემი შვილების დიდი ბაბუის და მეზობლის დიდი ბაბუის აშენებული იყო და ამდენი წელი მარღანიები და შუღლიაშვილები იყვნენ მესაკუთრეები, შემთხვევით აღმოვაჩინეთ, რომ დანაშაულებრივი გზით სხვა პირზეა გადაფორმებული.
მოკლედ რომ ვთქვა, ეზოში 4 ოჯახის ქონება, საჯარო რეესტრმა ისე გადაუფორმა გაყალბებული საბუთებით ნანა ფარჩუკაშვილს, რომ კითხვაც არ დაუსვამს ჩვენთვის. საფუძველი მაქვს ვიფიქრო, რომ საჯარო რეესტრის თანამშრომელი ასევე ჩართულია ამთაღლითურ სქემაში! ყველაზე საოცარი ისაა, რომ ამ თაღლითების ჯგუფს სათავეში უდგას ადვოკატი ნანა ფარჩუკაშვილი, რომელიც ჩვენთან არავითარ შეხებაში არასოდეს არ ყოფილა და ჩვენი მეზობლის მოდავე მხარის ლია კობახიძის ადვოკატი იყო.
ამ თაღლითმა ფარჩუკაშვილმა დაარღვიაყველა პროფესიული ნორმა, ნოტარიუსის დავით წივწივაძის ხელით გაყალბებული საბუთებით მოიპოვა სამკვიდრო, გახდა 4 ოჯახის ბინების მესაკუთრე და თავის დანაშაულებრივი ჯგუფის კიდევ ერთ წევრზე, კონსტანტინე გედევანიშვილზე გამოსყიდვის უფლებით გაასხვისა,რომ კეთილსინდისიერი მყიდველის იმიჯი შეექმნა.ეს ის ნანა ფარჩუკაშვილია, რომელიც მთელ საქართველოში 40-მდე უძრავი ქონების მფლობელია, ისევე როგორც მისი ჯგუფის სხვა წევრებიც.ეს ის ნანა ფარჩუკაშვილია, რომელიც მსჯავრებული იყო,მასმედიის სხვადასხვა საშუალებებით საზოგადოებას თავს აცოდებდა და პატიმართა უფლებების დამცველი გმირის როლში გვევლინებოდა.
ეს ის ნანა ფარჩუკაშვილია, რომელიც დღემდე ადვოკატია და ფარულად დიდი ოდენობით, ჯგუფურად ჩადენილ სისხლის სამართლის დანაშაულში ვდებთ ბრალს!თბილისის საქალაქო სასამართლო / Tbilisi City Courtჩვენი ეზოს უფლებებს ჩემი ძვირფასი მეგობრის ეკა ბესელია-ს საადვოკატო ბიურო იცავს და ზუსტად ვიცი, სიმართლე გაიმარჯვებს!თაღლითების ადგილი ციხეშია!” – წერს სტეფნაძე.
კომენტარები