უკრაინულ მედიაში საქართველოში რუსეთიდან ჩამოსული მოქალაქეების შესახებ სტატია გავრცელდა, რომელიც საქართველოს ეკონომიკის მინისტრ ლევან დავითაშვილის კომენტარზე დაყრდნობით დაიწერა და სადაც ნათქვამია, რომ ქვეყანაში 25 ათასამდე რუსი ადამიანი შემოვიდა. უკრაინული მედიის შეფასებით, რუსები საქართველოში ვირთხებივით გამოიქცნენ:
“საქართველოს ეკონომიკის მინისტრმა ლევან დავითაშვილმა განაცხადა, რომ ბოლო დღეებში რუსეთის 25 000-მდე მოქალაქემ გადმოკვეთა საქართველოს საზღვარი.
აღსანიშნავია, რომ ბევრმა ევროპულმა ქვეყანამ რუსეთის წინააღმდეგ სანქციები დააწესა, რადგან მათ უკრაინაში სრულმასშტაბიანი ომი წამოიწყეს და მშვიდობიანი მოსახლეობა დაბომბეს.
ბევრმა ბრენდმა და კომპანიამ უკვე დატოვა რუსული ბაზარი, რაც იმას ნიშნავს, რომ ისინი გლობალური ეკონომიკური კატასტროფის წინაშე დგანან.
ალბათ, ადგილობრივებს არ მოსწონთ რუსეთის მიმართ დაწესებული სანქციები, ამიტომ ჩქარობენ თავიანთი ქვეყნის დატოვებას.
გარდა ამისა, რუსეთმა დაგეგმა კიდევ ერთი ოპერაცია საკუთარი ტერიტორიების დაბომბვის მიზნით, შემდეგ კი ამაში უკრაინას დაადანაშაულა” – ნათქვამია სტატიაში.
კომენტარები