24 წლის ბიჭი, რომელსაც ოჯახი რამდენიმე დღის განმავლობაში ეძებდა, გარდაცვლილი იპოვეს.
კახა კახიანი 27 თებერვალს ქალაქ ჭიათურიდან ქალაქ საჩხერის მიმართულებით უცნობმა პირმა გაიყოლა და შემდეგ მისი კვალი გაქრა.
„ბიჭს, რომელსაც ვეძებდით წუხელ იპოვნეს. დაიღუპა, მანქანამ გაიტანა. მინდა ყველას მადლობა გადავუხადო, ვინც გააზიარა და გულთან მიიტანა ეს ამბავი“, – წერს გარდაცვლილის ახლობელი.
არსებული ინფორმაციით, ახალგაზრდას მცხეთის ტერიტორიაზე მანქანა დაეჯახა.
როდის დაეჯახა მას მანქანა, როდის იქნება ნაპოვნი ცხედარი, სად იყო ავარიამდე, სასიკვდილო იყო დაჯახება, თუ მოგვიანებით გარდაიცვალა, მძღოლი გაიქცა შემთხვევის ადგილიდან, თუ არა – ეს დეტალები, სამწუხაროდ, ამ დრომდე უცნობია.
შინაგან საქმეთა სამინისტრომ მომხდარზე გამოძიება სისხლის სამართლის კოდექსის 276 მუხლის მე-6 ნაწილით დაიწყო.
კომენტარები