მოკლული ბიზნესმენის, ლევან კაჭარავას დედა პირველ კომენტარს აკეთებს

„მე გეუბნებით, რომ ეს საქართველოში არ დაგეგმილა. ეს არის დაქირავებული ქილერის გაკეთებული. ის უკვე საქართველოში ალბათ არ არის“, – აცხადებს მოკლული ბიზნესმენის დედა ელენე მხეიძე.

ამასთან, ლევან კაჭარავას დეიდაშვილის, სალომე კობალაძის თქმით, ბიზნესმენს წარსულში პრობლემები არ ჰქონია.

„ოჯახს ამ წუთს არანაირი კონკრეტული ვერსია არ აქვს. გუშინდელი ამბის მერე, ისეთი თავზარდაცემული ვართ, ვერც ვფიქრობთ, ვის შეიძლება ასეთი ორგანიზებული დანაშაული ჩაედინა. რთულია, ვერ ვფიქრობთ, არ ჰყავს კონკრეტული მტერი. ვიცი, რომ იყო საქმიან შეხვედრაზე იყო. ნამდვილად არ უთვალთვალებენ, არც პრობლემა ჰქონია, დაცვით არასოდეს დადიოდა“, – აცხადებს მოკლული ბიზნესმენის დეიდაშვილი.

შეგახსენებთ, ლევან კაჭარავა 24 ივნისს წყნეთის გზატკეცილზე საკუთარ ავტომობილში ჩაცხრილეს.