საქართველოს პრემიერ-მინისტრის გიორგი გახარიას განცხადებით, 2021 წლის ბიუჯეტის პროექტი არის დაბალანსებული, რომელის ძირითადი მიზანია პანდემიასთან ბრძოლა, ასევე, მოსახლეობისა და ბიზნესისთვის მიზნობრივი დახმარების გაწევა. ამის ესახებ პრემიერმა მთავრობის სხდომაზე განაცხადა.
გახარიას თქმით, ეს არის ბიუჯეტი, რომელზეც მტავრობა სავალუტო ფონდთან ერთად იმუშავა და რომელიც ითვალისწინებს ყველა იმ ძირითად კომპონენტს, რომელიც აუცილებელია კრიზისში.
„ჩვენ პარლამენტში წარვადგინეთ 2021 წლის სახელმწიფო ბიუჯეტი, რომელიც არის უაღესად მნიშვნელოვანი დოკუმენტი. ეს არის დოკუმენტი.
ბიუჯეტი არის დაბალანსებული, რომლის ძირითადი მიზნებია, პანდემიასთან ბრძოლა, მიზნობრივი სოციალური დახმარება მოსახლეობისთვის, დახმარება ბიზნესისთვის და, რა თქმა უნდა, ეკონომიკის მომზადება პოსტკრიზისული ეკონომკური აღდგენისთვის. ეს არის ბიუჯეტი, რომელზეც ჩვენ სავალუტო ფონდთან ერთად ვიმუშავეთ და რომელიც ითვალისწინებს ყველა იმ ძირითად კომპონენტს, რომელიც აუცილებელია კრიზისში, პანდემიის წინააღმდეგ ბრძოლასა და ეკონომიკურ კრიზისთან გასამკლავებლად“, – განაცხადა გახარიამ.
ცნობისთვის, ოპოზიცია 2021 წლის ბიუჯეტის პროექტს აკრიტიკებს. ხოლო, იმისთვის, რომ პარლამენტმა პროექტი დაამტკიცოს, დეპუტატების 100-ზე მეტი ხმა სჭირდება.
კომენტარები