10:56 / 06-08-2023
“2021 წლიდან საქართველოში გადმოვიდა საცხოვრებლად” – ვინ იყო რუსეთის მოქალაქე, რომელიც შოვში მეწყერს ემსხვერპლა და რას წერს 32 წლის ქალის შესახებ რუსული მედია
შოვში, სტიქიის ზონაში ბოლო ოფიციალური ინფორმაციით, 17 ადამიანის ცხედარია ნაპოვნი და მათ შორის ერთ-ერთი, რუსეთის მოქალაქე ქსენია ტრიჩევაა.
32 წლის ქალის ცხედარი ერთ-ერთმა ახლო მეგობარმა მორგში ამოიცნო.
მას შემდეგ, რაც ქსენია მეგობრებთან კონტაქტზე აღარ გავიდა, ქალის ნაცნობები ტელეფონით დაუკავშირდნენ შვეიცარიის საელჩოში რუსეთის ინტერესების განყოფილებას და მისი ადგილსამყოფელის დადგენაში დახმარება სთხოვეს. ქსენია ტრიჩევა წარმოშობით რუსეთის ქალაქ პერმიდანაა.
შემთხვევა 3 აგვისტოს, სასტუმრო “სანსეტ შოვთან“ მოხდა. წყალდიდობამ წაიღო ხიდები, დააზიანა გზები და დაფარა სასტუმროს მიმდებარე კოტეჯები. ორ დღეში სტიქიის ზონიდან 210 ადამიანის ევაკუაცია განხორციელდა, სამძებრო-სამაშველო ოპერაციაში 400 მაშველი და 200 სამხედრო მოსამსახურეა ჩართული. დაღუპულთა რიცხვი 17-მდე გაიზარდა. სამაშველო ღონისძიებები ამ დრომდე გრძელდება. არსებული ინფორმაციით, 23 ადამიანი დაკარგულია.
კომენტარები